قازاقستان رەسپۋبليكاسىنىڭ ۇلتتىق مۋزەيىندە فوتوكورمە اشىلدى، دەپ حابارلايدى Qamshy.kz اقپارات اگەنتتىگى مۋزەيدىڭ باسپا ءسوز قىزمەتىنە سىلتەمە جاساپ.

«جۇڭگو قازاقستاندىقتاردىڭ كوزىمەن» ارنايى كورمەسى «عاجايىپ جۇڭگو» توپتاماسىنىڭ 5-فوتوكورمەسى. ونى قازاقستانداعى جۇڭگو ەلشىلىگى ق ر ۇلتتىق مۋزەيىمەن بىرلەسىپ ۇيىمداستىردى. شارا قىتايدا 40 جىل جۇرگىزىلگەن ساياسي رەفورما مەن «ءبىر بەلدەۋ – ءبىر جول» باستاماسىنا 5 جىل تولۋىنا ۇيىمداستىرىلىپ وتىر.

كورمەنى ۇيىمداستىرۋداعى ماقسات – قازاقستان حالقى اراسىنداعى ءوزارا تۇسىنىستىك پەن دوستىق ءداستۇرىن نىعايتۋ. كورمەگە ۇسىنىلعان بارلىق فوتوسۋرەتتەر قازاقستان اۋماعىنان جينالدى. بايقاۋعا 100-دەن استام ادام قاتىسىپ، 700-دەن ارتىق جۇمىس قابىلدانعان ەدى. سولاردىڭ اراسىنان ەڭ ۇزدىك 100 فوتوسۋرەت تاڭدالىپ، اتالعان كورمەگە قويىلىپ وتىر.