قازان ايىندا وتكىزىلمەگەن «The Most Credible Award 2018» اتاۋى «Silk Road Cohesion Awards 2018» دەپ وزگەرتىلگەن كينوفەستيۆال شانحايدا وتەتىن بولادى دەپ جازادى Qamshy.kz اقپارات اگەنتتىگى. بۇل تۋرالى الماتى قالاسىندا وتكەن پرەسس-كونفەرەنسيا كەزىندە اكتەر مۇحاممەد-راسۋل كوزدىباي حابارلادى.

15-16 جەلتوقساندا شانحايدا حالىقارالىق «Silk Road Cohesion Awards 2018» اتتى وتەدى. اتالمىش كينوفەستيۆالعا ءار تاراپتاعى ەلدەردەن قوناقتار كەلەدى. قۋانتارلىعى، كينوفەستيۆالدە وتاندىق تۋىندىلار كورەرمەن نازارىنا ۇسىنىلادى.

مۇحاممەد-راسۋل كوزدىبايدىڭ ايتۋىنشا، بۇل كينوفەستيۆال قىتايلىق سەرىكتەستەردىڭ ءوتىنىشى بويىنشا قازان ايىنان جەلتوقسان ايىنا وزگەرتىلگەن.

«Silk Road Cohesion Awards 2018» كينوفەستيۆالىندە قازاقستاندىق 10 فيلممەن قاتار رەسەيدىڭ كينوكارتينالارى دا كورەرمەنگە جول تارتادى.

«كورەرمەنگە ۇسىنىلاتىن فيلمدەردىڭ قاتارىندا اقان ساتايەۆتىڭ «اناعا اپارار جولى»، نۇرتاس ادامبايدىڭ «ءليفتى»، مەيىرحان شەرنيازوۆتىڭ «رەگيستراتورى» بار. باسقا دا تۋىندىلاردى قىتايلىق ۇيىمداستىرۋ كوميتەتىمەن كەڭەسۋ ارقىلى تاڭداپ، تالدايتىن بولاىمىز. بىرنەشە فيلمدەر قىتايلىق كينوپروكاتقا شىعۋ مۇمكىن. ءبىز تاڭداعان جانە بىزگە ۇسىنعان فيلمدەردىڭ اراسىنان   ءفيلمدى تاڭداعان بولاتىنبىز. ازىرگە 3 قازاقستاندىق فيلم قىتايلىقتارعا ۇنادى. ءبىراق تاڭداۋ ءالى جالعاسۋدا. ال تولىق ءتىزىم جەلتوقسان ايىنىڭ باسىندا جاريالانادى. ءبىز تىزىمگە ەنگەن قازاقستاندىق تۋىندىلاردىڭ سانى كوپ بولادى دەپ سەنەمىز. كەيىن كينوفەستيۆالدە وتاندىق پروديۋسسەرلەر، رەجيسسەرلەر، اكتەرلەر ماراپاتتالاتىن بولادى. ءبىز قىتايعا ەلىمىزدىڭ باسەكەگە قابىلەتتى مادەنيەتىن، كينويندۋسترياسىن كورسەتكىمىز كەلەدى» دەيدى مۇحاممەد-راسۋل.

كينوفەستيۆالگە يپ مان رەتىندە كورەرمەن ەسىندە قالعان دونني يان سەكىلدى  قىتايدىڭ تانىمال اكتەرلەرى، تانىمال رەجيسەرلەرمەن قاتار الەمدىك جۇلدىزدار قاتىسادى. سونىمەن بىرگە قۇرمەتتى قوناقتاردىڭ قاتارىندا الەمدىك جۇلدىزعا اينالعان ديماش قۇدايبەرگەن دە بولۋى مۇمكىن. الايدا ازىرگە بەلگىسىز. قازاقستاننىڭ باسقا دا جۇلدىزدارى اتالمىش شاراعا قاتىسادى.

«شاراعا قازاقستاندىق اكتەرلەردىڭ قاتارىندا سانجار مادييەۆ، ءمايىرحان شەرنيازوۆ، ازيز بەيشەنالييەۆ، رەجيسسەرلەر اقان ساتايەۆ، اسقار بيسەمبين قاتىسادى. سونىمەن بىرگە الماتى اكىمى مەن مادەنيەت جانە سپورت ءمينيسترى ارىستانبەك مۇحامەديۇلىن دا شارانىڭ قۇرمەتتى قوناعى بولۋعا شاقىرعىمىز كەلەدى. ال ءبىز ۇيىمداستىرۋشىلار رەتىندە 14 جەلتوقساندا ساپارعا شىعامىز. KOZ Production «جاڭا جىبەك جولى – ءبىر بەلبەۋ، ءبىر جول» باعدارلاماسى اياسىن دامىتۋ جۇمىستارىن جۇرگىزىپ جاتىرمىز. ءبىزدىڭ كومپانيا قىتايمەن كەلىسىمشارتقا قول قويعان قازاقستانداعى جالعىز كومپانيا بولىپ تابىلادى» دەيدى مۇحاممەد-راسۋل كوزدىباي.