ەسىرتكى جانە پسيحوتروپتىق زاتتاردىڭ تارالۋىن بولدىرماۋ جانە الدىن الۋ ماقساتىندا «دوپينگ» الدىن-الۋ ءىس-شاراسى قالا بويىنشا جۇزەگە اسىرىلۋدا. «ءبىزدىڭ ءبولىمنىڭ قىزمەتكەرلەرى «سكوروست – Papa Hais Operator» دەگەن جازبالار جازىپ، ەسىرتكى مەن پسيحوتروپتىق زاتتاردىڭ زاڭسىز جارناماسىن قولدانعانى ءۇشىن كوللەدجدىڭ ءۇش ستۋدەنتى ۇستادى.  اۋەزوۆ اۋدانىندا تۇرعىن ءۇي عيماراتتارىنىڭ قابىرعالارىندا ەسىرتكى جانە پسيحوتروپتىق زاتتارعا ترافەتتەر جانە قارا بوياۋدىڭ كومەگىمەن جارناما جاساعان. ستۋدەنتتەرگە ءاربىر جازبا ءۇشىن 500 تەڭگە جانە ودان دا جوعارى تولەيمىز دەپ ۋادە بەرگەن. زاڭناماعا سايكەس «سۋرەتشىلەر» جاۋاپكەرشىلىككە تارتىلدى»، - دەپ حابارلادى الماتى قالالىق پد ەسىرتكىگە قارسى كۇرەس باسقارماسى باستىعىنىڭ مىندەتىن اتقارۋشى، پوليسيا پودپولكوۆنيگى ەرلان الماعامبەتوۆ.

سونىمەن قاتار، قالا پوليسياسى ازاماتتاردى ەسىرتكى ساۋداگەرلەرىنىڭ ارەكەتتەرى مەن جارنامالارىنا جانە اتا-انالارىنا بالالارىنىڭ بوس ۋاقىتىن مۇقيات باقىلاۋعا شاقىرادى. كۇدىكتى تۇلعالاردىڭ كەز-كەلگەن زاڭسىز ءارى كۇدىكتى ىس-ارەكەتتەرىن بايقاساڭىزدار ەسىرتكىگە قارسى كۇرەس ءبولىمىنىڭ جۇمىس توبىنا مىنا نومىرلەر ارقىلى حابارلاسۋلارىڭىزدى سۇرايمىز: +7 708 300 0611؛ +7 776 088 8820.

الماتى قالاسى پد باسپا ءسوز قىزمەتى