2019 جىلدىڭ ناۋرىزىندا قازاقستاندىق ءانشى ديماش قۇدايبەرگەن كرەملدە جەكە كەشىن وتكىزبەك. بۇل تۋرالى ءانشى ءوزىنىڭ Instagramداعى پاراقشاسىندا جازدى.
«ماسكەۋ. مەملەكەتتىك كرەمل سارايى، ۇلىستىڭ ۇلى كۇنى – 22 ناۋرىزدا جەكە كەشىمدە كورىسكەنشە!»، - دەپ جازدى ديماش.
مەملەكەتتىك كرەمل سارايىنىڭ رەسمي سايتىنداعى دەرەككە سۇيەنسەك، ديماشتىڭ كەشى 22 ناۋرىز كۇنى سارايدىڭ ۇلكەن زالىندا 19:00-دە باستالادى.
«قازاقستاندىق تالانتتى، جاس ءانشى ديماش قۇدايبەرگەن ازعانتاي عانا ۋاقىت ىشىندە الەمدى باعىندىرا الدى. بۇگىندە ونى الەمنىڭ تۇكىر-تۇكپىرىنەن ميلليونداعان حالىق تىڭدايدى. جاس تالانت ەڭ الدىمەن جۇڭگو ساحناسىن باعىندىردى. داۋىسىنىڭ دياپازونى – 6 وكتاۆا. ءان ايتۋدىڭ قىر-سىرىن مەڭگەرگەن.
2018 جىلدىڭ قاراشاسىندا ديماش العاش رەت مەملەكەتتىك كرمەل سارايىندا «ليۋبوۆ ۋستاۆشيح لەبەدەي» ءانىن شىرقادى»، - دەلىنگەن افيشادا.