2018 جىلى قمدب شاريعات جانە ءپاتۋا ءبولىمىنىڭ ماماندارى 5 922 ادامنىڭ سۇراعىنا جاۋاپ بەرگەن. سۇراقتاردىڭ باسىم بولىگى www.fatua.kz سايتىنا كەلىپ تۇسكەن. جەكە ءپاتۋا سۇراپ كەلگەن ادام سانى 1750-گە جەتكەن. ال ءمۇفتياتقا قوڭىراۋ شالىپ، كوكەيدە جۇرگەن ساۋالىنا جاۋاپ العان ازاماتتار سانى – 1590.

شاريعات جانە ءپاتۋا ءبولىمىنىڭ مەڭگەرۋشىسى سانسىزباي قاجى قۇربان ۇلىنىڭ ايتۋىنشا، «قۇرساقتاعى بالانىڭ كەمىستىگىن انىقتاۋ مەن ەمدەۋدەگى زاماناۋي ادىستەردى قولدانۋدىڭ ۇكىمى»، «دەلدالدىق قىزمەتتىڭ ۇكىمى»، «بولاشاق بالانىڭ جىنىسىن تاڭداۋدىڭ ۇكىمى»، «ۆاليۋتا كۋرسىنىڭ وزگەرۋىنە بايلانىستى قارىزدى قايتارۋدىڭ ۇكىمى»، «كارىز سۋلارىن تازالاعاننان كەيىن قايتا قولدانۋدىڭ ۇكىمى»، ت.ب. ماسەلەدە 11 ءپاتۋا مەن قمدب-نىڭ ۇستانىمى قابىلدانعان.

سونىمەن قاتار، 160 يمام قىزمەتتىك ساراپتامادان وتكىزىلگەن. بۇدان بولەك 422 يمام-ۇستاز اتتەستاسيادان وتكەن. 43 كىتاپقا ساراپتاۋ جۇمىسى جۇرگىزىلگەن.