قازاقستان مۇسىلماندارى ءدىني باسقارماسىنىڭ نەگىزگى جۇمىس باعىتتارىنىڭ ءبىرى - حالىقتى ءدىني اعارتۋ، ءداستۇرلى ەمەس ءدىني جولدا جۇرگەن ازاماتتارعا ءتۇسىندىرۋ ءىس-شارالارىن ۇيىمداستىرۋ، ناسيحات جۇرگىزۋ دەپ جازادى Qamshy.kz اقپارات اگەنتتىگى muftyat.kz سايتىنىڭ دەرەگىنە سۇيەنىپ.
ۋاعىز-ناسيحات سالاسىندا اتقارىلعان جۇمىستاردىڭ ەسەبى بويىنشا، بيىل ەلىمىزدەن 518 ازامات راديكالدى رايىنان قايتتى. ءداستۇرلى دىنگە ورالعان ازاماتتاردىڭ ءبىرقاتارى ءدىني كوزقاراستارى مەن ۇستانىمدارىن رەسمي تۇردە مالىمدەدى.
جات اعىمنىڭ جەتەگىندە جۇرگەن جانداردى دەسترۋكتيۆتى اعىمدى ناسيحاتتاۋشى ازاماتتاردىڭ سالت-داستۇرگە، ادەت-عۇرىپقا، مەملەكەتتىك رامىزدەرگە قايشى كوزقاراس قالىپتاستىراتىن سوزدەرى قاناعاتتاندىرماعان.
ايتا كەتەيىك، قازاقستان مۇسىلماندارى ءدىني باسقارماسى جانىنان قۇرىلعان رەسپۋبليكالىق، جەرگىلىكتى اقپاراتتىق-ناسيحات توبى جىل بويى جوسپارلى جۇمىس نەگىزىندە ءتۇسىندىرۋ شارالارىن جۇزەگە اسىردى. 2018 جىلى 347 ادامنان قۇرالعان رەسپۋبليكالىق، جەرگىلىكتى اقپاراتتىق-ناسيحات توبى 7 294 رەت جالپى جانە جەكە كەزدەسۋ وتكىزدى. وعان بارلىعى 646 056 ادام قاتىسقان.
