رەسەيدە كىشكەنتاي قىز پرەزيدەنتپەن سۋرەتكە تۇسە الماعانى ءۇشىن جىلاپ جىبەردى، دەپ جازادى Qamshy.kz اقپارات اگەنتتىگى 5-tv.ru سايتىنىڭ دەرەگىنە سۇيەنىپ. 

رەسەي پرەزيدەنتى ۆلاديمير پۋتين سانكت-پەتەربورداعى ساپارى بارىسىندا جىلاعان قىزدى ءوزى بارىپ جۇباتتى. كوپتىڭ جۇرەگىن ەلجىرەتكەن وقيعا 7 قاڭتاردا بولعان.

بۇل كۇنى پرەزيدەنت پەتروپاۆل بەكىنىسىنە باردى. ساپار بويى باسشىنى پەتەربورلىقتار مەن قالا قوناقتارى "پرەزيدەنتپەن سۋرەتكە ءبىر تۇسسەك" دەگەن نيەتپەن ءپۋتيندى قورشاپ ءجۇردى. پۋتينمەن كەزدەسۋگە بارعانداردىڭ قاتارىندا تۇرىمتايداي قىز دا بار. ول دا پرەزيدەنتپەن سۋرەتكە تۇسكىسى كەلگەن ەدى. الايدا ءپۋتيننىڭ كولىككە وتىرىپ جاتقانىن كورگەن ءبۇلدىرشىن جىلاپ جىبەردى. سەبەبى مەملەكەت باسشىسىمەن سۋرەتكە تۇسكىسى كەلدى.

مۇنى بايقاپ قالعان پرەزيدەنت كولىگىنەن قايتا ءتۇسىپ، قىزدىڭ جانىنا كەلدى.

«جىلاما، نەگە جىلادىڭ؟»، - دەپ سۇرادى پرەزيدەنت قىزدان.

قىز تىلەگىن ايتقان سوڭ پرەزيدەنت ونىمەن سۋرەتكە ءتۇسىپ، جونىنە كەتە باردى.