كونە گرەك تاريحشىسى گەرودوت جازىپ كەتكەن ساقتار تۋرالى (سكيفتەر) اڭىزدا قامشى تۋرالى قىزىق دەرەك بار. ەلۋ جىل بويى ەۋروپانى شارلاپ، جورىقتا جۇرگەن ساق جاۋىنگەرلەرى كۇندەردىڭ كۇنىندە ەلىنە قايتادى. ۇزاق جىل ەرلەرىن كۇتىپ حابار بولماعان سوڭ، ايەلدەرى وزدەرىنىڭ قۇلدارىنا ءتيىپ، ولاردان بالا تۋادى. ساق جاۋىنگەرلەرى ەلدىڭ شەتىنە جەتكەندە قۇلدان تۋعان ۇلدار قولدارىنا قارۋ ۇستاپ شىعىپ، باتىرلاردى ەلگە كىرگىزبەي سوعىس سالادى. ايقاس ۇزاققا سوزىلىپ، قۇلداردى جەڭە الماعان ساقتار كەڭەس قۇرادى. سوندا ءبىر داناگوي قاريا: «ەي، ساق جاۋىنگەرلەرى، وسى ءبىز نە ىستەپ ءجۇرمىز؟ قاراڭدارشى، ءوز قۇلدارىمىزبەن سوعىسىپ جەڭە المادىق. ويتكەنى، ءبىز قارۋمەن سوعىسقاندىقتان ولار وزدەرىن تەڭ ساناپ، جەڭىستىك بەرمەي ءجۇر. بار قارۋ-جاراقتارىڭىزدى تاستاپ، ولارعا قامشى الىپ شىعىڭدار. ولار قامشىنىڭ سۋىلىن ەستىپ، وزدەرىنىڭ قانىنداعى قۇلدىق قاسىرەت ەسىنە ءتۇسىرسىن» — دەپتى.

ساقتار بۇل كەڭەستى ماقۇل كورىپ، قامشىمەن قۇلدارعا قارسى شىعادى. قامشىنىڭ سۋىلداعان ىسىلىن ەستىگەن قۇلتۇقىمدىلار شايقاستى ۇمىتىپ، قاراداي ەسى شىعىپ، مايداندى تاستاپ قاشا جونەلىپتى. ءسويتىپ، ساقتار قامشى ارقىلى قۇلداردىڭ گەنىنە سىڭگەن ۇرەيدى وياتقان-مىس.

بەكەن قايرات ۇلىنىڭ Facebook-تەگى پاراقشاسىنان