ەكسپو-دان كەيىن الەۋمەتتىك جەلىدە مونيكا ەسىمدى قارا ءناسىلدى ايەلدىڭ وقيعاسى قىزۋ تالقىعا تۇسكەن بولاتىن. مونيكا قازاقستانعا ەكسپو-2017 كورمەسى كەزىندە تابىس تابۋ ءۇشىن كەلگەن. الايدا ونىڭ ءومىرى ءبىر مەزەتتە تۇبەگەيلى وزگەردى. مونيكا قازاق جىگىتتەن بالا سۇيگەنىمەن، ءوز "سۇيىكتىسىن" تابا الماي قالدى. مونيكا كامۋكەندج كامگانزا "انالار ۇيىنە" ورنالاستىرىلعان دەپ جازادى Qamshy.kz اقپارات اگەنتتىگى.
قازىرگى مونيكانىڭ جاعدايى تۋرالى "قورعاۋ استانا" قورىنىڭ جەتەكشىسى اننا رىل فەيسبۋك پاراقشاسىنا جازدى. مونيكانىڭ سابيىنە بلەسسينگ دەگەن ات قويعان. بۇل ءسوز اعىلشىن تىلىنەن اۋدارعاندا "قۇداي بەرگەن" دەگەن ماعىنانى بىلدىرەدى.
♦قاسىموۆ كونگولىق ايەلدىڭ كۇيەۋىن ىزدەيدى
"بۇگىن ءبىز مونيكانى ءبىزدىڭ ورتالىقتان 6 ايعا مەرزىمگە دەيىن تۇرا الاتىن "انالار ۇيىنە" شىعارىپ سالدىق. وسى ورايدى پايدالانىپ ءبىز سەرىكتەسىمىز "انالار ۇيىنە" العىس ايتامىز. مونيكا ءبىزدىڭ ورتالىقتا ماۋسىم ايىنان باستاپ تۇردى. ءبىر وكىنىشتىسى، ءقازىر ءبىزدىڭ قوردىڭ مۇمكىندىكتەرى شەكتەۋلى. ونىڭ ۇستىنە ءقازىر جىلدىڭ باسى. سونىمەن بىرگە ءبىز حالىقارالىق قازاقستانعا قونىس اۋدارۋ ۇيىمىنا العىس ايتامىز. ولار بىزگە پەرزەنتحاناعا اقشا تولەپ، سابيگە كۇتىم جاساپ، كەرەك-جاراعىن ساتىپ الۋعا قول ۇشىن سوزعان بولاتىن"، — دەپ جازدى اننا رىل.
پىكىر قالدىرۋ