-------وسىلاي بەرسە اكتريسانىڭ جەكە باسىنا ءتىل تيگىزگەندەي بولامىز با؟؟؟؟؟؟؟؟؟؟؟كەشە بايقاپ قالعان ەدىم راسىمەن ۇقسايدى ەكەن.

الاياقتىق ىستەرگە قاتىسى بار دەگەن كۇدىكپەن 30 جاستاعى ايەل تۇتقىلدالدى. الەۋمەتتىك جەلىدە تۇرعىنداردى ساق بولۋعا شاقىرعان كۇدىكتىنىڭ فوتو-سۋرەتتەرى تارادى. الايدا Instagram قولدانۋشىلارىن كۇدىكتىنىڭ الاياقتىعىنان بۇرىن تانىمال اكتريساعا ۇقساستىعى تاڭداندىرعان دەپ جازادى Qamshy.kz اقپارات اگەنتتىگى

كۇدىكتى ايەل تەز ارادا پاتەر الۋعا كومەكتەسەتىنىن ايتىپ، تۇرعىندارعا اقىلى قىزمەت ۇسىنعان.

"30 جاستاعى ش.ەسىمدى ازاماتشا حالىقتى سەندىرۋ ءۇشىن ارنايى كەڭسە جالداعان. تۇرعىنداردان قوماقتى سوما تالاپ ەتىپ، ەسەسىنە تەز ارادا الماتىدان كەزەكسىز پاتەر الىپ بەرۋگە ۋادە بەرگەن. وسى قىزمەتى ءۇشىن ك.ەسىمدى ازاماتشادان 2 ميلليون 900 مىڭ تەڭگە العان. كۇدىكتىنىڭ ۋادەسى ءسوز جۇزىندە، ال ءىسى شىن مانىندە الاياقتىق بولعانى بەلگىلى بولدى. حالىقتىڭ سەنىمىن پايدالانىپ، قارجىسىن قالتاسىنا باسىپ جۇرە بەرگەن. كۇدىكتىگە قاتىستى ق ر قىلمىستىق كودەكسىنىڭ 190-بابى بويىنشا سوتقا دەيىنگى تەرگەۋ ءىسى باستالدى.تەك اۋەزوۆ اۋدانى بويىنشا ونىڭ 15 ىسكە قاتىسى بار ەكەنى دالەلدەندى"، – دەيدى اۋەزوۆ اۋداندىق پوليسيا باسقارماسىنىڭ ءبولىم باستىعى ديدار احانوۆ وسى ىسكە قاتىستى بەرگەن مالىمدەمەسىندە.

الماتى پوليسياسى ازاماتتاردى اتالعان كۇدىكتى تۋرالى اقپاراتتان حاباردار بولسا، 298-53-70؛ 298-53-71 جانە 8 700 100 0983 نومىرلەرىنە حابارلاسۋدى ەسكەرتەدى.