بۇكىل رەسپۋبليكا بويىنشا «مەكتەپ اسحانالارى» پارتيالىق جوباسى اياسىندا قۇرامىنا اتا-انالار، «نۇر وتان» پارتياسى ايماقتىق فيليالدارىنىڭ وكىلدەرى، ب ا ق، ۇەق مەن مەملەكەتتىك ورگانداردىڭ وكىلدەرى ەنگەن توپ وقۋشىلاردىڭ تاماقتانۋ جۇيەسىن تەكسەردى.

العاشقى كۇنى پارتيالىقتار مەن اتا-انالار كوميتەتى تاماقتانۋدىڭ مەكتەپتەگى جۇزدەگەن نۇكتەلەرىنە ينسپەكسيالاۋ جۇمىستارىن جۇرگىزدى، سول كەزدە ءبىرىڭعاي ونداعان ولقىلىقتاردىڭ بار ەكەنى انىقتالدى.

ەڭ الدىمەن ەلىمىزدىڭ مەكتەپتەرىندە تاماقتانۋ ساپاسىن كۇن سايىن باقىلاۋعا جانە ولقىلىقتاردى انىقتاپ وتىرۋعا مىندەتتى ساراپشىلىق كوميسسياسىنىڭ ەسەپتىك قۇجاتتاماسى مەن بەلسەندىلىگى تەكسەرىلدى. انىق بولعانىنداي، كوپتەگەن مەكتەپتەردە ولار جۇمىس ىستەمەيدى،  ەسكەرتۋى بار بىردە-بىر حاتتاما نەمەسە ولقىلىقتاردى جويۋ بويىنشا بىردە-بىر اكت انىقتالمادى. ال شىمكەنتتىك مەكتەپتەردىڭ بىرىندە كوميسسيا تۇتاستاي سول وقۋ مەكەمەسىنىڭ قىزمەتكەرلەرىنەن تۇرادى، ناقتى ايتقاندا،  مەكتەپ اسحاناسىن باقىلاۋعا تەك ءبىر اتا-اناعا عانا رۇقسات بەرىلگەن.

ودان سوڭ پارتيالىق ۆەدومستۆوارالىق ساراپتامالىق توپ مەكتەپ اكىمشىلىگىنىڭ كەزەكشىلىك كەستەسىنىڭ بولۋىنا ۆيزۋالدى تەكسەرىس جۇرگىزدى، وقۋشىلاردىڭ تاماقتانۋ ءتارتىبىن تەكسەردى، سۋ ءىشۋ ءتارتىبىنىڭ ساقتالۋى، قول جۋۋعا ارنالعان جاعدايدىڭ جاسالۋى، بەكىتىلگەن ءمازىردىڭ بولۋى، سونداي-اق، مەكتەپ اسحاناسى راسيونىنىڭ ءبىرىڭعاي ستاندارتتارعا سايكەستىگى باقىلاۋعا الىندى، وسىعان بايلانىستى ەسكەرپەلەر بەرىلدى. مونتورينگىلەۋدىڭ قورىتىندىسى بويىنشا نۇسقاۋلىقتار مەن ەسەپتەر راسىمدەلدى. مىسالى، ۆست قۇرامىنا كىرەتىن اتا-انالار مەكتەپ ديرەكتورىنا: ءمازىردى ۇنەمى عالامتوردا جاريالاپ تۇرۋ، تاعام بلوكتارىنا كامەرالار ورناتۋ، بەلگىلى جۋرناليستەر مەن بلوگەرلەردى ساراپشىلىق كوميسسياسىنا قوسۋ سىندى ۇسىنىستارىن العا تارتتى.

«مەكتەپ اسحانالارى» پارتيالىق جوباسىنىڭ  مەرزىمى شەكسىز، سوندىقتان مونيتورينگىلەۋ ءالى دە جالعاسىن تابادى، ول ءجيى جانە ۇنەمى كۇتپەگەن جەردەن جۇرگىزىلەتىن ايتا كەتۋ كەرەك.

–وتكەن جىلى «نۇر وتان» پارتياسى تاماقتانۋ سالاسىنداعى كۇردەلى پروبلەمالاردى شەشۋ جانە اتا-انالار كوميتەتىنىڭ، اسحانانى جالعا الۋشىلاردىڭ، مەكتەپ اكىمدىگى مەن ءبىلىم بەرۋ باسقارماسىنىڭ ارەكەتتەرىن ۇيلەستىرۋ ءۇشىن «مەكتەپ اسحانالارى» جوباسىن ازىرلەدى. بۇگىنگى تاڭدا مەكتەپ جاسىنداعى بالالار اراسىندا اس قورىتۋ اعزالارىنىڭ اۋرۋى جيىلەپ كەتكەندىكتەن ول وسى پروبلەمانىڭ شەشىمىنە اينالۋى ءتيىس، – دەدى «نۇر وتان» پارتياسىنىڭ حاتشىسى يليا تەرەنچەنكو. 

ونىڭ ايتۋىنشا، وتكەن جىلى پارتيا مەكتەپ اسحانالارىندا تىيىم سالىنعان تاماقتار ءتىزىمىن كەڭەيتۋگە قول جەتكىزدى، ولار شۇجىقشا، شۇجىق ونىمدەرى، گامبۋرگەرلەر، سونداي-اق، جاساندى بوياعىشتارى، حوش يىستەندىرگىشتەر، ءدامدى كۇشەيتكىشتەر مەن تاتتىلەندىرگىشتەر ەكەنىن ايتا كەتكەن ءجون. 2018 جىلدىڭ  جەلتوقسان ايىندا دەنساۋلىق ساقتاۋ مينيسترلىگى وسىنداي ونىمدەردىڭ جاڭارتىلعان ءتىزىمىن جاريالادى.

– الايدا بۇل تەك العاشقى قادام عانا بولاتىن. ءارى قاراي وسى نورمالار مەن تالاپتاردىڭ ساقتالۋىن قامتاماسىز ەتۋ ماڭىزدى. سوندىقتان ءبىزدىڭ ەكىنشى مىندەتىمىز – ەلىمىزدىڭ بارلىق ايماقتارىندا مونيتورينگىلەۋدىڭ سەنىمدى جۇيەسىن ۇيىمداستىرۋ، – دەدى پارتيا حاتشىسى يليا تەرەنچەنكو.