قازاقستاندىق تالانتتى ءانشى ديماش قۇدايبەرگەنوۆ «الەمنىڭ ۇزدىك ءانشىسى» بايقاۋىنا قاتىستى ءوزىنىڭ جانكۇيەرلەرىنە پىكىر ءبىلدىردى، دەپ جازادى Qamshy.kz اقپارات اگەنتتىگى.
ەرەكشە داۋىس يەسى ديماش قۇدايبەرگەنوۆ ءوزىنىڭ Instagram پاراقشاسىندا وسىعان قاتىستى پوست جاريالادى.
«قۇرمەتتى دوستار! امەريكالىق ءبىر سايتتا «الەمنىڭ ۇزدىك ءانشىسى» اتتى بايقاۋ بولىپ، وعان قاتىسۋشىلاردىڭ تىزىمىندە مەنىڭ دە اتىم بار ەكەن. بۇنى بۇگىن عانا ەستىدىم. ماعان قولداۋ ءبىلدىرىپ، داۋىس بەرگەندەرىڭىز ءۇشىن العىسىم شەكسىز، الايدا بۇل بايقاۋدىڭ قانداي دا ءبىر ماراپاتتاۋعا نەمەسە تەليەۆيزيالىق جوبالارعا ەش قاتىسى جوق. بۇل جاي عانا ينتەرنەتتەگى داۋىس بەرۋ جوباسى جانە ول ەشنارسەنى دە شەشپەيدى. قاي جەردە بولسىن قولپاشتاپ، ماعان ىستىق ىقىلاستارىڭىزدى ءبىلدىرىپ وتىراسىزدار. ۇلكەن راحمەت! شىعارماشىلىعىمدى وسىنشالىقتى ءسۇيىپ تىڭدايتىن جانداردىڭ بولعانى مەن ءۇشىن ۇلكەن مارتەبە. Welcome to Kazakhstan! سىزدەردى جاقسى كورەمىن!» - دەپ جازادى ديماش.
ايتا كەتەيىك، امەريكالىق سايتتاردىڭ بىرىندە «الەمنىڭ ۇزدىك ءانشىسى» اتتى ينتەرنەت بايقاۋى ءجۇرىپ، ديماش قۇدايبەرگەنوۆ العاشىندا 35-ورىندا بولعان ەدى، اراعا ۇزاق ۋاقىت سالماي جانكۇيەرلەرىنىڭ داۋىس بەرۋىنىڭ ارقاسىندا ول بىردەن 2-ورىنعا كوتەرىلگەن بولاتىن. الايدا، داۋىس بەرۋدىڭ ناتيجەسى شىققاندا ول 369-ورىنعا ءتۇسىپ قالعان.
