گاۋھار الىمبەكوۆانىڭ باسىنا ۇيىرىلگەن قارا بۇلت بۇكىل حالىقتى دۇرلىكتىردى. انشىگە تاڭىلعان «الاياق» دەگەن قىلمىستى سوتتان وزگە ەشكىم مويىنداعان جوق، حالىق سەنبەدى. وسى ورايدا Qamshy.kz اقپارات اگەنتتىگى كۇنى كەشە «گاۋھار الىمبەكوۆانىڭ تاعدىرى: «مۋزارت» ساعان ايتام... قايرات پەن تورەعالي، سەن تىڭدا!» اتتى ماقالا جازعان ەدى. مۇنداعى ماقسات – گاۋھار الىمبەكوۆانى قولداۋعا انشىلەردى شاقىرۋ. ال انشىلەردىڭ رەاكسياسى قانداي بولدى؟ جەلىگە شولىپ كورەلىك...

♦گاۋحار الىمبەكوۆانىڭ تاعدىرى: «مۋزارت» ساعان ايتام... تورەعالي مەن قايرات، سەن تىڭدا!

«مۋزارت» توبىنىڭ ءانشىسى ساكەن مايعازييەۆ الىمبەكوۆانى قۇتقارۋ ءۇشىن اقشا جيناۋعا دايىن ەكەنىن جازدى.

«اڭقىلداپ جارقىلداپ ءجۇرىپ، الاياقتاردىڭ ارباۋىنا الداندى ما ەكەن... اقكوڭىل اپكەمنىڭ، دوسىمنىڭ باسىنا ۇيىرىلگەن قارا بۇلت ءبارىمىزدىڭ جانىمىزعا باتىپ جاتىر. كەشەدەن بەرى ءىستىڭ انىق-قانىعىن، اق-قاراسىن اجىراتۋعا بارىمىزدى سالىپ جاتىرمىز. ق ر زاڭگەرلەرلەرى دە ساۋاتتى تۇردە ەگجەي-تەگجەيلى زەرتتەپ جاتقانىنا كۇمانىمىز جوق. قارسى تاراپ كەشىرىم بەرىپ، كەلىسىمگە كەلسە گاۋھاردىڭ ارىپتەستەرى سول سوممانى جيناپ بەرۋگە بار كۇشىمىزدى سالامىز دەپ نيەتتەندىك. تالانتتى قىزىمىزدى تەمىر تورعا توعىتقاندا نە ۇتپاقپىز؟! اللا تاعالا جابىرلەنۋشى جاقتىڭ پاتەرگە قول جەتكىزىپ، قونىس تويىن تويلاۋدى، جاۋhارداي گاۋھارىمىزدىڭ ورتامىزعا ورالۋىن ءناسىپ ەتكەي»، - دەپ جازدى ساكەن مايعازييەۆ.

«سوتىم-اي، سوتىم-اي» دەپ قازاق سوتىنان تۇڭىلگەن مەيرامبەك بەسبايەۆ تا ارىپتەسىن قولدادى.

«سوتقا دا، پروكۋرورعا دا سۇراق كوپ... بۇل ىستە ۇلكەن شيكىلىك بارىن سەزەمىن. وڭ شەشىمىن تاباتىنىنا سەنەم! گاۋhap دوسىم، ءبىز ءالى تالاي ءبىر ساحنادا ءان سالامىز!» - دەدى مەيرامبەك.

ءانشىنى قولداعانداردىڭ قاتارىندا قايرات نۇرتاس ەمەس، ونىڭ اناسى بار. پروديۋسەر گۇلزيرا ايداربەكوۆا كومەككە مۇقتاج ارىپتەسىنە كومەكتەسۋگە دايىن. انشىگە اقشا جيناپ بەرۋدىڭ امالىن دا ايتىپ ءوتىپتى.

«دۋبايدا جۇرسەك تە ينستاگرام ارقىلى جايسىز xاباردى كوزىمىز شالىپ، جۇرەگىمىز الاي-دۇلەي بولىپ وتىرعانى. ونەر ادامدارىنىڭ ىشىنەن اقيقاتىن جازعان بىرەۋى تابىلار دەپ پاراقشالارىن اقتارىپ ىزدەي باستادىق. نۇرلان الباننىڭ پاراقشاسىندا كومەك بەرەيىك دەگەن پوستتى وقىپ قۋانىپ تا قالدىق. نۇرلان ءوزىڭ باستاعان ەكەنسىڭ، ءبارىمىز كومەك قولىن سوزايىق. نەگىزى قاتتى ارالاستىعىمىز دا جوق، كورگەن جەردە سالەمىمىز ءتۇزۋ، ءبىراق كورمەگەلى دە 5-6 جىل بولىپ قالىپتى. "كوپ تۇكىرسە كول بولادى" دەگەن، ەرتەڭ قاي-قايسىمىزدىڭ دا الدىمىزدان نە كۇتىپ تۇرعانىن بىلمەيمىز. نۇرەكەڭ شوت اشىپ پاراقشاسىنا سالسا، ءبارىمىز قاراپ قالمايىق. وتە اقكوڭىل، جۇرەگى كەڭ، اشىق مىنەزدى بولاتىن، مۇمكىن ءبىر قاتەلىك ورىن الىپ جاتقان بولار. قولدان كەلسە، كىر ىزدەپ، ءمىن تاقپاي، سىرتتاي ءجون-جوسىقسىز ءار ءتۇرلى اڭگىمەنى جازباي-اق قويايىق. ونسىز دا xالىقتىڭ الدىندا جەر بولىپ وتىرعانىندا جەرگە تىقپايىق، اعايىن! "بالە اياق استى" دەگەن، ءبىر شيكىلىك بار سياقتى. جاعدايى تومەندەرگە، مۇگەدەكتەرگە اللا رازىلىعى ءۇشىن دەپ كورسەتپەي بەرىپ تە ءجۇرمىز، سول سەبەپتى، نەگە مۇقتاج جاندارعا بەرمەسكە دەپ داۋرىقپاۋلارىڭىزدى سۇرايمىن. گاۋھار ەلىمىزدىڭ الدىندا جۇرگەن، xالىقتىڭ قىزى بولعاندىقتان، قولىمىزدان كەلگەنىنشە قاراپ قالمايىق. ءبىزدىڭ دە ەلدىڭ نامىسى، وزگە ەلگە كۇلكى بولمايىق. @nurlanalban نۇرەكە، ونەر ادامدارىنىڭ دا پروبلەمالارى جەتكىلىكتى تۇسىنەمىن، بەرگىسى كەلەتىن، ءبىراق بەرە المايتىندارى دا قانشاما. مۇمكىن، ونەر ادامدارىن جيناپ جاقسىلاپ ءبىر كونسەرت ۇيىمداستىرارسىز. سول كەزدە ونەر ادامدارىمەن قاتار ساتىلعان بيلەتتەردىڭ اقشاسى دا كومەك بولادى، كومەك قولىن سوزۋ ءۇشىن بيلەتتەردى الۋشىلار دا از بولمايدى. ءبىزدىڭ قازاق xالقى تاس جۇرەك ەمەس، ءبارى دە ويلانباستان الادى بيلەتتەردى. ويلانىپ كورسەڭىز، وسى يدەيانى.

ءانشى بۇركىت تە الىمبەكوۆا ءۇشىن اقشا جيناۋعا كومەكتەسپەك...

«مۇنداي xابار ەستىپ، دەنەم تۇرشىكتى! بۇل قالاي بولدى سوندا؟ گاۋھار الىمبەكوۆامەن قاتتى ارالاسپاساق تا، كورىپ تۇراتىن جايىمىز بار ەدى. ومىردە نەشە ءتۇرلى جاعداي بولادى عوي، مۇمكىن ءبىر قاتە كەتكەن شىعار؟ كىم ءبىلسىن؟ 6 جىلعا $40،000 ءۇشىن سوتتالدى دەگەن جەتكەندە نە ويلارىمدى دا بىلمەي قالدىم! قۇداي-اۋ، ميلليون-ميلليونداپ ۇرلاپ، سوسىن كەشىرىم سۇراپ، اقشالارىن قايتارىپ بەرىپ جاتقاندار دا بار ەمەس پە؟! نەگە سونشا قاتال بولامىز؟ مەنىڭشە، كەشىرىمدىلىكپەن قاراساق ءجون بولار ەدى. قانشا دەگەنمەن، ادام ولگەن جوق. ادام ولگەندە 8-9 جىل بەرەدى عوي، سوندا قالاي بولعانى؟ 40-50 مىڭ دوللارمەن ادامنىڭ ءومىرى سايكەس كەلىپ تۇر ما؟! ۇيات بولادى عوي باسقا ەلدەردەن! وزدەرىنىڭ ونەر ادامدارىن اياماي سوتتاپ جاتىر مىنا xالىق دەسە، ۇيات ەمەس پە؟
ارىپتەستەر، ونەر ادامدارى، ءبارىمىز بىرىگىپ بىرگە قول ۇشىن سوزايىق! كوپ تۇكىرسە كول بولادى دەيدى عوي! بارىنشا قاراجات جيناپ كومەك بەرەيىك. كومەكتەسەيىك!!! نە بولسا دا، قانداي جاعداي بولسا دا، اللاھتان قايتسىن! بۇل ومىردە كىم ءبىلسىن ، الدىمىزدا نە كۇتىپ تۇرعانىن!» - دەپ ءسوزىن قورىتىندىلادى بۇركىت ءانشى.

♦"گاۋھارداي اسىل قىزدارىمىزدى قورعاماساق، ادۆوكاتتىعىما سىن بولار..."