ءبىزدىڭ ساۋساقتارىمىز ءارتۇرلى عوي، بىرەۋى ۇزىن، بىرەۋى قىسقا. باس بارماق ءسال كىشىلەۋ، بالالى ۇيرەك ودان ۇزىن، ەڭ ۇلكەنى ورتان تەرەك دەگەن سياقتى. ءوزىڭىز ويلاڭىزشى، ەندى وسى ساۋساقتاردى تەڭەستىرىپ تاستاساق نە بولادى؟ قولىمىز شارۋاعا يكەمدەلمەي، ىڭعايسىزدىق تۋماي ما؟ بىزگە نەنىڭ پايدالى، نەنىڭ زيان ەكەنىن بىلەتىن اللا تاعالا، ءتىپتى، ساۋساقتارىمىزعا دەيىن كوركەم، ءارى وزىمىزگە ىڭعايلى ەتىپ جاراتىپ بەردى ەمەس پە؟ سول سياقتى اللا تاعالا ومىردە ءار ادامنىڭ ءوز ورنىن ايقىنداپ بەرگەن. ۇيدەگى اكەنىڭ ورنى، انانىڭ مىندەتى، بالانىڭ قىزمەتى، اتا مەن اجەنىڭ دارەجەسى دەگەن سياقتى. بۇلار ءوز ورنىندا تۇرعاندا عانا، وتباسىندا ۇيلەسىمدىلىك پەن تىنىشتىق، بەرەكە بولادى. مىسالى، ءبىر كاسىپورىنعا ءبىر كىسى كەلىپ، "بۇگىننەن باستاپ ءبارىڭ تەڭ قۇقىققا يە بولدىڭدار. بۇل جەردە ەشكىم باسشى ەمەس. اركىم ءوزى بي، ءوزى قوجا" دەسە، نە بولادى؟ ول جەردىڭ جۇمىسى كوپ ۇزاماي-اق توقتاپ، كاسىبى قۇردىمعا كەتەدى. سوندىقتان قاي كەزدە دە مىنا نارسەنى ۇمىتپاعانىمىز ابزال:
"ەركەك باسقارىپ، ال ايەل باعىنىپ باقىتتى بولادى"
وسى قاراپايىم عانا فورمۋلا - كوپ ۇرىستىڭ الدىن الاتىن نەگىزگى كىلت. ايەل – سەزىمنىڭ ادامى. ەموسياعا بەرىلىپ، قاتە شەشىم جاساپ قويۋى، اسىعىستىق تانىتىپ شالىس باسۋى مۇمكىن. ال اللا ەركەككە سەزىمتالدىقتان گورى سالقىنقاندىلىق، نۇرلى اقىل بەرگەن.
ءيا، ايەل ادام ەرىنەن گورى اقىلدىراق بولۋى ىقتيمال. ەرى بىلمەي تۇرعان كەيبىر جايتتاردى ايەلى ءبىلىپ تۇرۋى مۇمكىن. ءبىراق ءبارىبىر اللا تاعالا ەركەكتىڭ شەشىمىنە بەرەكە بەرىپ قويعان.
سوندىقتان ەرلى-زايىپتىلار ءار ءىستى اقىلداسىپ، ءوزارا كەڭەسىپ جاساسا، جەمىسىن دە ءدال سولاي بىرگە كورەرى انىق.
«اسىل ارنا» ينستاگرام پاراقشاسىنان الىندى
پىكىر قالدىرۋ