بۇگىن قازاقتىڭ  اقيىق اقىنى  مۇقاعالي ماقاتايەۆتىڭ تۋعان كۇنى. «قازاقتىڭ كۇپى كيگەن قارا ولەڭىن، شەكپەن قىلىپ وزىنە قايتارعان» اتاقتى اقىنعا ارناۋ ولەڭدەر ەشقاشان تولاس تاپپاق  ەمەس.  ويتكەنى تۋما تالانت مۇقاعالي ماڭگىلىك اقىن.  سوندىقتان دا وعان قۇرمەت ەشقاشان تاۋسىلمايدى.

ءبىز   وسىعان وراي  Qamshy.kz  اقپارات اگەنتتىگىنە ءوز ولەڭ -جىرىن  جولداعان وقىرمانعا ريزاشىلىعىمىزدى بىلدىرە وتىرىپ، ونى سايتقا   جاريالاۋدى  ءجون دەپ تاپتىق.

***

 مۇقاعالي ءاراۋقتى ءور اقىنىم ،

قازاعىم جۇرەگىنە ەت جاقىنىم.

ولەڭمەن قارا قىلدى قاق جاراتىن،

قايران ەل قاسيەتتى بار اقىنىڭ.

جارىق جۇلدىز پوەزيا كوگىندەگى،

قايتالانباس ءبىرتۋار ومىردەگى.

قاپىدا تۋىنداعان ءاربىر ءسوزىڭ،

تەبىرەنتپەي قويماعان كوڭىلدەردى.

ماڭگىلىك مۇزارت شىڭنىڭ مۇزبالاعى،

ءقادىرىڭدى قاس جاۋىڭ قىزعانادى.

سىر شەرتىپ، مۇڭىڭدى ايتىپ جىرلارىڭا،

قوسىپ ەڭ فاريزاداي قىز بالانى.

دانا ەدىڭ ،بار بولمىسىڭ دارا تۋعان،

جارق ەتىپ جايدىڭ وتىن الا تۋعان.

ماڭگى ولمەس پوەزيا اسپانىندا،

سامعادىڭ جاي ۇشىرىپ قاناتىڭنان.

جىرلارى جەتەلەگەن ارمانىنا،

قازاعىمنىڭ بولعان كەيدە قورعانى دا .

قازاقى قارا ولەڭگە ءتىل بىتىرگەن،

باس يەم ايبىندى اقىن ارۋاعىنا!

 سابينا قالي قىزى  قۇرمانعالييەۆا

الماتى وبلىسى،

كەربۇلاق اۋدانى ،

قاراشوقى اۋىلى