قازاقستاندىق دەپۋتاتتار لەنيننىڭ ەسكەرتكىشىنە الاڭداۋلى ەكەنىن جەتكىزدى دەپ جازادى Qamshy.kz اقپارات اگەنتتىگى sputniknews.kz سايتىنىڭ دەرەگىن نەگىزگە الىپ.  

ءماجىلىس دەپۋتاتى كوساريەۆتىڭ ايتۋىنشا، قازاقتىڭ تاريحي ەسكەرتكىشتەرىنەن بولەك، كەڭەس كەزىندەگى قۇندىلىقتار دا ساقتالىپ قالۋى كەرەك. سونداي-اق كەڭەس كەزىندەگى ەسكەرتكىشتەردىڭ ساقتالۋى تۋرالى ارنايى قۇجاتتا دا كورسەتىلۋى قاجەت. 

"كەڭەس كەزىندەگى ەسكەرتكىشتەردى ساقتاپ قالۋ قاجەت. سەبەبى بىزدە مورالدىق تۇرعىدان جاۋاپكەرشىلىك بار. لەنيننىڭ باسى قوقىستا جاتقان قالادا قالاي ءومىر سۇرەمىز؟ بىزدە قوعامنىڭ مادەنيەتىنە جاۋاپ بەرەتىن مادەنيەت جانە سپورت مينيسترلىگى بار ەمەس پە؟"، دەيدى كوساريەۆ. 

ال ارىستانبەك مۇحامەدي ۇلى كوساريەۆتىڭ پىكىرىمەن كەلىسەتىنىن جەتكىزدى. 

"ءيا، ءسىزدىڭ پىكىرىڭىز ورىندى. "لەنين ءومىر ءسۇردى، ءتىرى جانە ولمەيدى"، دەگەن ۇران بار ەدى عوي"، دەپ ازىلدەدى مينيستر. 

سونداي-اق ارىستانبەك مۇحامەدي ۇلى، بۇل ماسەلەگە قاتىستى ءتۇرلى ءىس-شارالاردىڭ اتقارىلىپ جاتقانىن ايتتى. مينيستر الماتىداعى سارىارقا پاركىن مىسالعا كەلتىردى. 

"ءسىز سول جەرگە بارىپ، دەمالىپ، گۇل قويساڭىز دا بولادى. ءبىز ءبارىمىز 22 ساۋىردە (لەنيننىڭ تۋعان كۇنى — رەد.) سول جەردە بولۋىمىز كەرەك، ارينە"، - دەيدى ارىستانبەك مۇحامەدي ۇلى.

اۋدارعان: اسەل بولات قىزى