"ماعان ماحاتما گانديدىڭ تاۋەلسىزدىك جولىنداعى كۇرەسى كەرەمەت شابىت بەرەدى. ءۇندىستانعا ەش سوعىسسىز، قان توگىسسىز تاۋەلسىزدىك الىپ بەرۋ دەگەن تاڭعالماسىڭا قويمايتىن دۇنيە ەمەس پە؟ سول گاندي قانداي شارا قولداندى دەيسىز عوي؟ ول بار بولعانى ءوز ەلىندەگى اعىلشىن تاۋارلارىنان باس تارتىپ، حالىقتى دا سول ونىمنەن شاقىردى. ەڭ اياعى تۇز الۋ ءۇشىن سۋعا ءوزى ءتۇسىپ، كيىم كيۋ ءۇشىن ماتانىڭ ءجىبىن ءوزى ءيىرىپ كەتتى عوي. تەك ءوز تىلىندە سويلەدى. ونىڭ اتىن ەستىگەندە ءتىپتى انگليانىڭ پرەمەر ءمينيسترى چەرچيللدىڭ ءوزى ەلەڭدەپ قالاتىن دەسەدى. ال ءبىز...
⠀
اللاعا شۇكىر، تاۋەلسىزدىك الدىق. ايتسە دە، ءوزىم قازاقشا سويلەگەنىمە ءماز بولىپ، بىردەڭەنى تىندىرعانداي بوپ جۇرسەم، ونىم بەر جاعى ەكەن. تىلىمىزگە جانىمىز شىن اشىسا، بانكوماتتا قازاق ءتىلىن تاڭداپ، تەلەفونداعى وپەراسيالىق جۇيەلەردى قازاق تىلىندە جۇرگىزۋىمىز كەرەك. قىزمەت كورسەتۋ ورىندارىندا قازاقشا سويلەپ، ءىس- قاعازدارىن قازاقشا تولتىرۋىمىز قاجەت ەكەن. ەگەر لايىقتى قىزمەت كورسەتىلمەسە، شاعىم تۇسىرۋگە ەرىنبەۋ كەرەك ەكەنبىز. ال ءبىز ۋاقىتىمىزدى ايايمىز، ارتىق پروبلەمادان قاشقىمىز كەلەدى دە، قولدى ءبىر-اق سىلتەيمىز. سويتە تۇرا، قازاق ءتىلى دامىمادى دەپ دابىل قاعامىز. دامىتپاي جۇرگەن ءوزىمىز ەكەنىندە وي جوق.
⠀
ال ءسىز قازاق ءتىلى ءۇشىن قازاقشا سويلەۋدەن باسقا قانداي ەڭبەك ەتىپ ءجۇرسىز؟ مۇمكىن بىر-بىرىمىزدەن ۇلگى الارمىز؟"
(س) مارفۋعا شاپيان، بلوگەر
ۇسىنعان: ماقپال سەمباي
پىكىر قالدىرۋ