دانەليا تولەشوۆا The World's ۆest شوۋىنا قاتىسۋ كەزىندە كەيبىر ءمان-جايدى ءتۇسىندىردى، - دەپ حابارلايدى Qamshy.kz اقپارات اگەنتتىگى tengrinews.kz سايتىنىڭ دەرەگىن نەگىزگە الىپ. ءبىرىنشى كەزەڭدە دانەليا Rise up كومپوزيسياسىن ورىندادى. جاس ءانشى تورەشىلەردى ءوز ونەرىمەن ءتانتى ەتتى. اكتريسا دريۋ بەرريمور كوز جاسىنا ەرىك بەردى. قازاقستاندىق قىزدىڭ ونەرىنە "تاڭعالارلىق" دەگەن باعا بەرىلدى، ال دانەليانىڭ ءوزى "ۆوكال عاجايىبى" دەگەن اتاققا لايىق بولدى.
"Rise up ءانى ماعان قاتتى ۇنايدى. بۇل شوۋدا اندەردى تاڭداۋ بىزگە عانا ەمەس، پروديۋسەرلەرگە دە بايلانىستى. ءبىز ولارعا ورىنداي الاتىن اندەردىڭ ءتىزىمىن ۇسىندىق. ولار مەنىڭ داۋسىما ساي كەلەتىن ءاندى تاڭداپ الدى. ولاردىڭ پىكىرىنشە، بۇل ءان مەنىڭ ۆوكال مۇمكىندىگىمدى تولىق اشادى"، - دەيدى ءانشى.
باس قازىلار القاسىنىڭ ورتاشا بالى 47 ۇپاي بولدى. دريۋ بەريمور ەڭ جوعارى باعا - 50 ۇپاي، رۋ پول - 47، ال فەيت حيلل - 45. "الەم قابىرعاسى" (الەمنىڭ ءتۇرلى ەلدەرىنەن كەلگەن كوپتەگەن قازىلار القاسى) انشىگە مۇمكىن بولاتىن 50 بالدىڭ 49-ىن بەردى. تەك كانادادان كەلگەن ساراپشى قازاقستاندىققا داۋىس بەرگەن جوق. ناتيجەسىندە دانەليا تولەشوۆا 96 ۇپاي جينادى.
"بۇل جوباعا پروديۋسەرلەر شاقىردى، ولار بۇرىندارى مەنىڭ ونەرىمدى كورگەن ەكەن. ولار الەمنىڭ ۇزدىك ورىنداۋشىلارىن، بيشىلەرىن، سپورتشىلارىن، سيقىرشىلارىن جانە تاعى باسقالارىن شاقىرادى. بۇل شوۋدا مەنى The Vocal Wonder ("ۆوكال عاجايىبى") دەپ اتاعانىنا وتە قۋانىشتىمىن. مەن بۇل اتاقتى اقتاۋعا تىرىسامىن. ەندى ءاربىر جوبام بۇرىنعىلاردان دا ەرەكشەلەنەدى. The world 's ۆest - مۇلدە باسقا فورمات، باسقا دەڭگەي، باسقا اۋقىم"، - دەدى دانەليا تولەشوۆا.
ونىڭ ايتۋىنشا، پروديۋسەرلەر قاتىسۋشىلارعا بىر-بىرىمەن قارىم-قاتىناس جاساۋعا تىيىم سالعان، ال ديماش كۇدايبەرگەننىڭ وسى شوۋعا قاتىساتىنى دانەليا تەك سوڭىندا بىلگەن.
"شوۋدىڭ فورماتى بويىنشا بىزگە بىر-بىرىمەن سويلەسۋگە، اقپاراتپەن الماسۋعا تىيىم سالىندى. سونداي-اق، ءبىز باسقالاردىڭ ونەر كورسەتۋىن كورە المادىق. ءقازىر مەن شوۋدى كورە وتىرىپ، بىزبەن بىرگە دايىندىق بولمەسىندە جانە دالىزدەردە ويناعان ادامدار قانداي كەرەمەت نارسەلەردى جاسايتىندىعىنا تاڭ قالىپ وتىرمىن. باسەكەلەستىكتىڭ وتە مىقتى ەكەنىن ءتۇسىندىم. شوۋ سوڭىندا مەن ديماشتىڭ قاتىساتىنىن بىلگەندە تاڭىرقاپ قالدىم. كەلىسىمشارت بويىنشا ءبىز اقپاراتپەن الماسۋ جانە قارىم-قاتىناس جاساۋعا بولمايتىندىقتان، ول مەنىڭ جوباعا قاتىساتىنىمدى جانە مەن ونىڭ قاتىساتىنىن بىلمەدىم. كەزدەسكەن كەزىمىزدە، بىردەي ەموسيادا بولدىق. سونىمەن قاتار، ءبىز ءبىر - ءبىرىمىزدى كورگەنىمىزگە قۋانىشتىمىز، ءبىراق وسى بايقاۋدا بىرگە سايىساتىنىمىزدى بىلگەندە قاپالاندىق"، - دەپ ءانشى.
قازاقستان اتىنان شىققان ول Andra Day دەگەن ءانشىنىڭ Rise up ءانىن ورىندادى. بۇل ءاندى ول ۋكرايناداعى تالانتتار شوۋىندا شىرقاعان.
ۇسىنعان: اسەل بولات قىزى
پىكىر قالدىرۋ