تۇرىكمەن ايەلدەرىنە قيىن بولاتىن ءتۇرى بار. 17 اقپاننان بەرى تۇرىكمەن پوليسياسى اشحاباد كوشەسىندە كولىك جۇرگىزىپ كەلە جاتقان ايەلدەردى توقتاتىپ، ەشقانداي سەبەپسىز ولاردىڭ كۋالىگىن تارتىپ الىپ جىتىر. 17 اقپاننان كۇنى اشحاباباد كوشەلەرىندە وسىنداي جيىرمادان وقيعا ورىن العان.
بولعان جايعا قاتىستى تۇسىنىك بەرۋدى تالاپ ەتكەندەرگە پوليسيا وكىلدەرى جاۋاپ بەرۋدەن قاشادى. تەك «بۇل جوعارى جاقتىڭ بۇيرىعى» دەۋمەن ىشتەن تىناتىن سياقتى. ءتىپتى پوليسيا وكىلدەرى بەت-جۇزىن بەينەكامەراعا كورسەتۋدەن قورقادى. سوعان قاراعاندا، شىن مانىندە جوعارى جاقتان تۇسكەن جاسىرىن بۇيرىق بولۋى ىقتيمال. ءبىراق نەگە ايەلدەردىڭ كولىك جۇرگىزۋ كۋالىگى تارتىپ الىنىپ جاتىر، ول جاعى ءتىپتى تۇسىنىكسىز. سوعان قاراعاندا، «تۇرىكمەن ايەلى بالا تاۋىپ، وت باسى، وشاق قاسىندا وتىرۋى كەرەك» دەگەن بايىرعى تۇسىنىك قايتادان ورنىعىپ جاتقان بولار.
ارينە، مۇنىڭ بارلىعى دا زاڭسىزدىق ەكەنى تۇسىنىكتى. ءتىپتى كولىك جۇرگىزۋ كۋالىگىن الىپ قانا قويماي، ولاردىڭ ماشيناسىن ايىپتۇراق الاڭىنا قويعانىنىڭ ءوزى قىزىق. ال ماشيناسىن ايىپتۇراققا قويۋعا باس تارتقان ايەلدەردىڭ كولىگىن ەۆاكۋاتورمەن اكەتىپ جاتىر. دەمەك، قالاي ايتقاندا دا جوعارى جاقتان ءبىر بۇيرىقتىڭ بولعانى راس. ءبىراق مۇنى ەشكىم دە ءتۇسىندىرىپ بەرە المايدى.
بۇل عانا ەمەس، ەل استاناسى اشحابادتا سونىمەن قاتار، «موسكۆيچ» جانە «جيگۋلي» ەسكى كولىكتەرىمەن جۇرۋگە دە تىيىم سالىنعان. ويتكەنى ولار قالانىڭ ءسانىن بۇزادى. 2018 جىلدىڭ 2 قاڭتارىنان باستاپ، تۇرىكمەنستان پرەزيدەنتى گۋربانگۋلى بەردىمۇحامەدوۆتىڭ بۇيرىعىمەن قارا ءتۇستى كولىكپەن قالا ۇشىندە جۇرۋگە مۇلدە بولمايدى. ونداي كولىك اشحابادتىڭ اجارىن اشپايدى.
...ەرىككەندەردىڭ تىرلىگى عوي. باسشىڭ نادان بولسا، حالقىڭ ءقايتىپ ادام بولادى؟!
