2019 جىلدىڭ 21 اقپانىندا قازاقستان باسپا ءسوز كلۋبىندا “Dombyra” تەلەارناسىنىڭ ىسكە قوسىلۋىنا ارنالعان باسپا ءسوز ءماجىلىسى ءوتتى.
باسپا ءسوز ماجىلىسىنە قر-نىڭ ەڭبەك سىڭىرگەن ءارتىسى سەكەن تۇرىسبەكوۆ، قر-نىڭ ەڭبەك سىڭىرگەن ءارتىسى رامازان ستامعازييەۆ، قر-نىڭ ەڭبەك سىڭىرگەن ءارتىسى ايگۇل ۇلكەنبايەۆا، قر-نىڭ ەڭبەك سىڭىرگەن قايراتكەرى مۇقاسان شاحزادايەۆ، Zhuldyz TV Media قۇرىلتايشىسى سمايىل جاڭىلبەكوۆ، “Dombyra” جانە "Zhuldyz" تەلەارناسىنىڭ ديرەكتورى قانات ەرجىگىتوۆ قاتىستى.
قوعامدى ۇلتتىق مادەنيەت پەن بىرەگەيلىكتى ساقتاۋ مەن قايتا جاڭعىرتۋ يدەياسىنىڭ توڭىرەگىندە ودان ءارى توپتاستىرۋ ماقساتىندا ەلباسىمىزدىڭ شەشىمىمەن شىلدە ايىنىڭ 1ء-شى جەكسەنبىسى «ۇلتتىق دومبىرا كۇنى» بولىپ جاريالاندى. دومبىرا – قازاقتىڭ كيەسى، قاسيەتى، قازىناسى. يۋنەسكو-نىڭ شەشىمىمەن دومبىرا مەن كۇي ادامزاتتىڭ ماتەريالدىق ەمەس مادەني مۇرالارىنىڭ تىزىمىنە ەندى. وسىعان وراي، تەلەارنانىڭ ديرەكتورى قانات ەرجىگىتوۆ «Dombyra» تەلەارناسى – قازاق حالقىنىڭ رۋحاني جان سەرىگىنە اينالعان مۋزىكالىق ءتول اسپاپتارىن، ءداستۇرلى اندەرى مەن ۇلتتىق كۇيلەرىن حالىققا بارىنشا ناسيحاتتايتىن جاڭا فورماتتاعى تەلەارنا بولۋىن كوزدەيتىنىن جەتكىزدى. ونىمەن قوسا، ەفيردە باعدارلامالار قازاق تىلىندە جۇرگىزىلەتىندىگىن، تەلەارنانىڭ تەك قازاقستاندىق ءونىمدى ۇسىنىپ، ءداستۇرلى اسپاپتارىمىزدى تولىققاندى دارىپتەيتىن قازاقستان تاريحىنداعى تۇڭعىش تەلەارنا بولاتىندىعىن جانە وتاندىق ەسترادانىڭ بۇرىنعى وكىلدەرى مەن قازىرگى زامان وكىلدەرىنىڭ ۇزدىك جۇمىستارى كورسەتىلەتىندىگىن ايتا كەتتى. تەلەارنانىڭ ميسسياسى قاراپايىم: جاستار اراسىندا پاتريوتتىلىقتى قالىپتاستىرۋ جانە مادەنيەتتى ىلگەرىلەتۋ. “Dombyra” تەلەارناسى ءقازىردىڭ وزىندە قازاقستاننىڭ كابەلدىك جەلىلەرى «IDتV»، ينتەرنەت جەلىسىندە YOUTUBE كانالى، الەۋمەتتىك جەلىلەر ارقىلى تاراتىلۋدا.
كۇللى قازاققا سۇيىنشىلەپ، «دومبىرا» تەلەارناسى اشىلدى" دەپ جار سالعان ەدىك. جۇرەگى قازاق دەپ سوققان ءاربىر جاننىڭ ەلەڭ ەتىپ، قۋانعانىن ايتپا دا تۇسىنىكتى شىعار. اتالمىش جاڭالىقتى جازعان بويدا، وقىرماندار اراسىندا «ونى قايدان كورە الامىز؟ قالاي قوسىلامىز؟ اقىلى ما؟ قاشان قوسىلادى؟» دەگەن مازمۇنداعى ءتۇرلى ساۋال كەلىپ ءتۇستى. مۇنى بىلمەك نيەتپەن، ءتاي-تاي باسقان تەلەارنانىڭ ديرەكتورى قانات قۇدايبەرگەن ۇلى ەرجىگىتوۆكە حابارلاسقان ەدىك.
«اللا قالاسا، تەلەارنامىز دۇيسەنبى كۇنى كوپشىلىك نازارىنا شىمىلدىعىن اشادى. قازىرشە iD TV جەرسەرىكتىك دەربەس تەلەديداردىڭ 26-ىنشى كانالىنان كورە الاسىزدار. تەلەارنا 24 ساعات ءۇزىلىسسىز جۇمىس ىستەيتىن بولادى. الداعى ۋاقىتتا ۇلتتىق جەرسەرىكتىك OTAU TV تەلەراديوحابار تاراتۋ جەلىسىنە دە قوسىلامىز. YouTube-تا دا كانالىمىز اشىلادى. كورەرمەنمەن تىكەلەي ەفيردە جۇزدەسەمىز.
«جۇلدىز» تەلەارناسىن اشقانىما شامامەن، 3 جىل بولدى. بۇل تەلەارنامىزدا وزگە تەلەارنالار سەكىلدى شاشىن بوياپ، ەتەك قيعانداردىڭ بەينەباياندارىن كورسەتپەيمىز. مۇندا دا تەك قازاقي اندەر شىرقالىپ، بەينەباياندار كورسەتىلەدى. سوڭعى كەزدە كورەرمەندەر تاراپىنان «نەگە تەرمە قويمايسىزدار؟ ءداستۇرلى اندەر، كۇيلەر كوپ بەرىلسە...» دەگەن ساۋال-ۇسىنىستار قويىلدى. بۇرىننان-اق ويىمدا جۇرگەن ءىستى جۇزەگە اسىرۋعا كورەرمەندەردىڭ «تالابى» تۇرتكى بولدى. ءسويتىپ، «دومبىرا» تەلەارناسى دا دۇنيەگە كەلدى! «دومبىرا» تەك ءداستۇرلى ءان، تەرمە، قازاق اندەرىنە تۇسىرىلگەن بەينەباياندار عانا ەمەس، تەلەباعدارلامالار دا تۇسىرەمىز، كورسەتەمىز. شەتەلدەگى قازاق اندەرىنە بايقاۋلار ۇيىمداستىرامىز.
"كوشتىڭ باسىن اعا بۋىننان باستايىق" دەگەن نيەتپەن، ەلىمىزدىڭ بەتكەۇستار ونەر ادامدارىنىڭ ورىنداۋىنداعى ءداستۇرلى اندەرگە ۇلتتىق كيىممەن تۇسكەن باعدارلاما، بەينەباياندارىن ىزدەپ ەدىك، وكىنىشكە وراي، تىم از ەكەن. سوندىقتان، ءبىراز اعا بۋىننىڭ قاتىسۋىمەن ارنايى باعدارلاما دايىندادىق. اۋەلى سول كورەرمەنگە جول تارتادى. الداعى ۋاقىتتا ورتا بۋىنعا، كەيىنگى بۋىنعا دا كەزەك كەلەرى ءسوزسىز. اتا-اپالارىمىزدىڭ باتاسىن الساق، ءىسىمىز دە وڭعا باسار. باتادان اسىپ كەتكەن قازاقتى كورمەپپىن.
الداعى ۋاقىتتا وزگە دە ونەر جۇلدىزدارىنىڭ تەلەارنانىڭ ەرەجەلەرىنە ساي تۇسىرىلگەن بەينەباياندارى بولسا، مىندەتتى تۇردە وقىرمان نازارىنا تەگىن ۇسىناتىن بولامىز.
ماقساتىمىز – ەلىمىزدىڭ، ءسالت-داستۇرىمىزدىڭ، ونەرىمىزدىڭ دامۋىنا تەڭىزگە تامعان تامشىداي بولسا دا ۇلەسىمىزدى قوسۋ.
شەتەلدەگى قازاق باۋىرلارىمىزدىڭ دا اندەرىن ەلىمىزدىڭ ونەر جۇلدىزدارىنا ۇسىنىپ، ايتقىزىپ، بەينەبايان ءتۇسىرۋ دە ويدا بار. ءتىپتى شەتەلدەگى باۋىرلارىمىزدىڭ تۇسىرگەن بەينەباياندارى تەلەارنانىڭ ستاندارتىنا ساي كەلسە، قالىڭ كورەرمەنگە ويلانباستان ۇسىناتىن بولامىز. ءبارى دە ۋاقىت ەنشىسىندە.
باستىسى – العا قادام اتتادىق! ەندىگى قادامدى كورەرمەندەر جاساسا، بۇل ءىستى بەكەر باستاماعانىمىزدىڭ دالەلى بولار ەدى. ەڭبەك! ايانباي ەڭبەك ەتسەك، ناتيجەسى دە كوپ كۇتتىرمەسى انىق! تەلەارنامىز كوپشىلىكتىڭ كوزايىمىنا اينالىپ، جۇرەگىنەن ورىن تابادى دەپ ۇمىتتەنەمىز» - دەپ ءسوزىن ساباقتادى ومىرگە جاڭا كەلگەن «دومبىرا» تەلەارناسىنىڭ ديرەكتورى.
