قازىرگى پسيحولوگيانىڭ ىشىندە دامىپ كەلە جاتقان تاعى ءبىر ءادىس ۆيزۋاليزاسيا دەپ اتالادى. الەمنىڭ كەز-كەلگەن پسيحولوگى قولداپ جۇرگەن وسى ءادىستى قانشالىقتى پايدالانىپ ءجۇرمىز؟
ال ءسىز ارماندار كارتاسىن جاساپ كوردىڭىز بە؟ ءاربىر ارمان ورىندالادى. تەك ونىڭ قۇپياسىن بىلسەڭىز بولدى.
بۇگىندە باتىستان كەلگەن بۇل ءتاسىلدى ارمانىن جۇيەلەپ، ناقتىلاۋ ءۇشىن بىرنەشە ادام جاساپ ءجۇر.
بۇل جەردەگى باستى نارسە ادام الدىمەن ءوز ارمانىنىنىڭ ورىندالاتىنىنا سەنۋى كەرەك.
كارتانى جاساعان كەزدە ول ماتەريالدىق دۇنيە بولىپ كوز الدىمىزدا تۇرادى.
ال، ارماندار كارتاسىن قالاي جاسايمىز جانە ونىڭ ورىندالۋى ءۇشىن نە ىستەيمىز؟
ارماندار كارتاسىن جاساعاندا جاقسى كوڭىل-كۇيمەن وتىرۋ جانە بار جاقسى ەنەرگياڭىزدى سالۋ كەرەك.
شىعىس ءىلىمى بويىنشا كارتانى 9 سەكتورعا بولەمىز. ولار: اقشا، مانساپ، وتباسى، بالا-شاعا، جەتىستىك، ءبىلىم، ساياحات.
الدىمەن سەكتوردىڭ ورتاسىنا ءوز سۋرەتىڭىزدى قوياسىز.
اقشا. اقشا بولىمىنە اي سايىن قانشا اقشا تاپقىڭىز كەلەدى. قالتاڭىزدا قانداي قاراجات بولعانىن قالايسىز. سول نارسەلەردى جازىپ قوياسىز.
وتباسى. وتباسىن قۇرىپ ۇلگەرمەگەن بويداق بولساڭىز ءوزىڭىز ارمانداپ جۇرگەن باقىتتى نەكەنىڭ سۋرەتىن جاپسىراسىز. ال وتباسىلى بولساڭىز، كۇيەۋىڭىزدىڭ بالا-شاعاڭىزدىڭ ادەمى سۋرەتىن الىپ جاپسىراسىز.
بالا-شاعا. كەلەسى سەكتورعا بولاشاقتا بالا-شاعاڭىزدى قالاي كورگىڭىز كەلەدى. قالاي ەسلەستەتەسىز، سول تۋرالى سۋرەتتى سالىپ، جاپسىراسىز.
مانساپ بولىمىندە جەتكىڭىز كەلەتىن مانسابىڭىزدى، جۇمىس ورنىڭىزدى ارمانداپ سۋرەتىن سالىپ قوياسىز.
جەتىستىك. ومىردە قانداي دا ءبىر ىستە جەڭىمپاز بولىپ، جەتىستىككە قول جەتكىزگىڭىز كەلسە، الىپ جاتقان ناگرادالارىڭىزدى نەمەسە ۇقساعىڭىز كەلگەن جەتىستىكتەرى بار ادامنىڭ فوتوسىن قويساڭىز بولادى.
ءبىلىم. شەت ەلدە ءبىلىم العىڭىز كەلە مە، الدە ەلىمىزدەگى بەلگىلى ءبىر وقۋ ورنىندا وقىعىڭىز كەلە ما؟ مىنە، ارمانداعان فوتولارىڭىزدى وسى زوناعا سالاسىز.
ساياحات. الەمنىڭ قاي جەرىنە ساياحاتتاعىڭىز كەلەدى؟ جەرورتا تەڭىزى مە، الدە دۋباي ما؟ وزىڭىزگە ۇناعان جەردىڭ ادەمى سۋرەتىن قيىپ الىپ وسى بولىمگە جاپسىرامىز.
ارماندار كارتاسى – ول ارمانىڭىزدى كوز الدىڭىزدا كەلتىرىپ ماقساتقا اينالدىرۋعا كومەكتەسەتىن كومەكشى قۇرال. جاراتۋشىنىڭ شەبەرلىگى شەكسىز ەكەنىن ۇمىتپاي، قيالىمىزعا قانات ءبىتىرىپ، ارمانداۋدان قورىقپايىق.
دايىنداعان: اسەم مەرەكە قىزى
