ۇلتتىق ەكونوميكا ءمينيسترى رۋسلان دالەنوۆ جاردەماقىعا قاتىستى پىكىر ءبىلدىردى دەپ جازادى Qamshy.kz اقپارات اگەنتتىگى. جاڭا ءمينيستردىڭ ايتۋىنشا قازىرگى كوپ بالالى انالارعا بەرىلەتىن جاردەماقى مولشەرى از.
"ءبىزدىڭ نەگىزگى ماقسات - ەكونوميكانىڭ ساپالى ءوسىمىن قامتاماسىز ەتۋ. حالىقتىڭ قالتاسى ۇنەمى قالىڭ بولۋى كەرەك. ءبىز سول ءۇشىن جۇمىس ىستەيمىز. سونداي-اق قازىرگى كەزدەگى كولەڭكەلى ەكونوميكانى تومەندەپ، رەتتەۋ ماقساتىندا سالىق كودەكسىنە جاڭا وزگەرىستەر ەنگىزىلەتىن بولادى"، دەدى مينيستر.
كەيىن جۋرناليستەر جاڭا مينيستردەن كوپبالالى انالارعا بەرىلەتىن جاردەماقىعا قاتىستى ءمينيستردىڭ پىكىرىن سۇرادى.
"قازىرگى تاڭدا ەسەپتەۋلەر جۇرگىزىلۋدە. ارنايى توپ جۇمىس ىستەيتىن بولادى. جاقىن ارادا جاردەماقىنىڭ مولشەرى جاريا ەتىلەتىن بولادى. ال جاردەماقىنىڭ قازىرگى مولشەرى جەتكىلىكسىز دەپ ەسەپتەيمىن"، دەپ پىكىر ءبىلدىردى رۋسلان دالەنوۆ.
ۇسىنعان: اسەل بولات قىزى
پىكىر قالدىرۋ