الماتى پوليسەيلەرى بوسانىپ جاتقان ايەلگە كومەكتەستى، - دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.

27 جاستاعى ايەل ساۋ بالانى دۇنيەگە الىپ كەلدى.  ايەل ادامنىڭ تولعاعى باستالعان ۋاقىتتا جولداسى جەدەل جاردەمگە قوڭىراۋ شالۋدان گورى، ءوزى پەرزەنتحاناعا اپارۋدى ءجون كورگەن. الايدا، اششىبۇلاق اۋىلىنان شىققان كەزدە وتباسىلىق جۇپ كەپتەلىستە تۇرىپ قالعان. باۋىرجان مومىش ۇلى مەن اقىن سارا كوشەلەرىنىڭ قيىلىسىندا ەر ادام كەزەكشى پوليسيا قىزمەتكەرلەرىنە بارىپ، جاعدايدى ءتۇسىندىرىپ، ولاردىڭ كولىگىمەن پەرزەنتحاناعا اپارۋدى سۇراعان. 

"پاترۋلدىك پوليسيا سەرجانتتارى عالىمجان پوستانوۆ پەن ءامىرجان ەسەنبايەۆ قىزمەتتىك كولىكتە جارىق جانە دىبىس سيرەناسىن قوسىپ، جۇرگىزۋشىگە ولاردىڭ سوڭىنان ەرىپ ءجۇرۋىن تاپسىرعان. 5 مينۋت ىشىندە جۇكتى ايەل № 3 پەرزەنتحانا اۋماعىندا بولعان. ايەل ساۋ بالانى دۇنيەگە الىپ كەلدى. ءبىز ولاردىڭ دەنساۋلىق جاعدايى تۋرالى بىلدىك: جاس انا مەن بالا وزدەرىن جاقسى سەزىنەدى"، - دەدى الماتى قالاسى پوليسيا دەپارتامەنتى جەرگىلىكتى پوليسيا قىزمەتى باسقارماسى جول-پاترۋلدىك پوليسيا پولكىنىڭ كومانديرى پوليسيا پولكوۆنيگى ماناپ ساتتاروۆ.

كەلەسى كۇنى جاڭا تۋعان نارەستەنىڭ اكەسى پاترۋلدىك پوليسەيلەردى ىزدەستىرىپ، ولارعا العىس بىلدىرگەن.  "انا مەن بالا دەنساۋلىعى ءۇشىن جەدەل ارەكەت جاساعان پوليسەيلەردىڭ ارقاسىندا باتىر مىقتى جانە ساۋ بولىپ دۇنيەگە كەلگەن. تاياۋدا جۇمىستان بوس ۋاقىتىندا، سەرجانتتار پوستانوۆ پەن ەسەنبايەۆ انا مەن سابيگە بارادى"، - دەپ قورىتىندىلادى پولكوۆنيك ساتتاروۆ.

ۇسىنعان: ماقپال سەمباي