بيزنەس ترەنەر، «بيزنەس باستاۋ» كاسىپكەرلىك مەكتەبىنىڭ پرەزيدەنتى احمەتبەك نۇرسيلانىڭ كەرەك كەڭەستەرى.
«بار قازاق باي بولسا ەكەن»
دەگەندە ءبىز قاي بايلىقتى ايتىپ ءجۇرمىز؟ سول جايلى بىرەر ءسوز.
كوپ جاندار دۇنيەنى ويلاپ قالۋى مۇمكىن. ادام بالاسىنىڭ 4 ولشەمى، ياعني 4 تۇعىرى بار. 4 اياقتى جىلقى سياقتى. ءبىر اياعى كەم بولسا، ول جىلقىنى دەنى ساۋ دەپ ايتا المايمىز عوي. قازاقتار وندايدى ءتورت قۇبىلاسى تەڭ دەپ تە ايتادى. ءتورت قۇبىلاسى تەڭ، ءتورت ولشەمى باي ادامدى باقىتتى ادام دەپ ايتسا دا بولادى.
- بايلىعى، قۇبىلاسى: دەنساۋلىعى مەن ماتەريالدىق جاعدايى.
دەنساۋلىقتى جوعالتساڭ باسقا دۇنيەنىڭ ءقادىرى بولمايدى.
بايلىعى،قۇبىلاسى: ءبىلىمى. ءبىلىمسىز ەش ادام ءومىردىڭ ءمانىسىن بىلە المايدى. ءوزىن سەنىمدى سەزىنە المايدى.
- بايلىعى، قۇبىلاسى: ەموسيا،كوڭىل-كۇي. جاقىندارىمەن، باسقا ادامدارمەن قارىم-قاتىناسى. ار، ابىروي، قۇرمەت. قورشاعان ورتاڭمەن،اسىرەسە جاقىندارىمەن جاقسى قارىم-قاتىناستا بولساڭ، ۇنەمى كوتەرىڭكى كوڭىل-كۇيدە جۇرگەن ادام ءوزىن باقىتتى سەزىنە الادى.
- بايلىعى قۇبىلاسى: رۋحاني دۇنيەسى.ءوزىنىڭ ءومىرىنىڭ ءمانىن انىقتاپ، بۇل جالعانعا نە ءۇشىن كەلدى. ارتىنا قانداي ءىز تاستاپ كەتەدى. ادامدارعا نە جاقسىلىق جاساي الادى. وسىنى تۇسىنگەن جاننىڭ جۇرەگىندە تىنىشتىق بولادى.
دۇرىس نارسەنى دۇرىس جاساعاندا عانا ناتيجە بولادى
دۇرىس جاساۋ دەگەن نە؟ دۇرىس جاساۋ دەگەن وسى باعىتقا جەتۋ ءۇشىن ىستەپ جاتقان ءتاسىلىڭ دۇرىس پا، سونى تەكسەرىپ وتىرۋ كەرەك. دۇرىس بولسا، ءبىراز ۋاقىتتا جاقسى ناتيجە بەرىپ، ماقساتتارىڭا ءبىر تابان بولسىن جاقىنداتۋى ءتيىس. ال دۇرىس بولماسا، نە ورنىڭدا قالاسىڭ، نە كەيىن كەتەسىڭ. ەگەر ءتاسىلىڭ دۇرىس بولماسا، قانشاما بەرىلىپ قاتتى جاپىرىپ ىستەسەڭ دە ماقساتىڭنان الىستاي تۇسەسىڭ.
ادام - بيولوگيالىق ماشينا!
جاقسى وي-ادامنىڭ ىشكى قۋاتىن وياتىپ دەنەسىن ساۋىقتىرادى.
جامان وي - ادامنىڭ يممۋنيتەتىن ءتۇسىرىپ اۋرۋ اكەلەدى.
سوندىقتان دا، سانامىزعا كەلىپ كەتەتىن ءارتۇرلى ويلاردى باقىلاۋدا ۇستاۋ كەرەكپىز. جامان وي پارازيت سياقتى تەز تارايدى. ونىڭ ناتيجەسى —ءساتسىز كاسىپ، بەكەرگە كەتكەن ۋاقىت، ناتيجەسىز جوسپار، ءالسىز دەنساۋلىق. پەندە بولعان سوڭ، ادام ميىنا كۇنىنە نەشە ءتۇرلى ويلار كەلەدى. الايدا سول ويلاردىڭ ساپالى، نە ساپاسىز بولۋىن ءوزىڭىز شەشەسىز.
ۇسىنعان: اسەم مەرەكە قىزى
پىكىر قالدىرۋ