استانا قالاسىندا نۇرسۇلتان نازاربايەۆ توراعالىعىمەن "نۇر وتان" پارتياسىنىڭ XVIII سەزى ءوتىپ جاتىر. سەزد پارتيانىڭ 20 جىلدىق مەرەيتويىنا ويلاستىرىلعان، دەپ حابارلايدى Qamshy.kz اقپارات اگەنتتىگى.

سەزد بارىسىندا نازاربايەۆ حالىقتىڭ الەۋمەتتىك جاعدايىنا كوبىرەك توقتالدى. جالاقى مەن كوپ بالالى وتباسىلار ءۇشىن جاردەماقىنى ءوسىرۋ، يپوتەكا نەسيەسى 2-3 پايىز بولاتىن تۇرعىن ءۇي سالۋ ماسەلەلەرىن ايتا كەلە ەلباسى بيلىك پەن حالىقتىڭ جاقىن بولۋى كەرەكتىگىن قاتاڭ ەسكەردى. 

نازاربايەۆ اكىمدەردى كورسەتكىش قۋالاپ، پوپۋليزممەن اينالىسپاۋعا شاقىردى. ەلباسىنىڭ پايىمىنشا، ماڭىزدىسى ەسەپ ەمەس، ايماقتاعى حالىقتىڭ جاعدايى. پرەزيدەنت اكىمدەردىڭ حالىقپەن كەزدەسۋ فورماتىن اۋىستىرۋ كەرەكتىگىن جانە بولاشاقتا كەزدەسۋلەردى قالاي وتكىزۋ كەرەكتىگىن ويلاستىرۋدى سۇرادى.

"ءقازىر اكىم جىلىنا ءبىر رەت ەسەپ بەرەتىن بولدى. بۇل نە دەگەن ءسوز؟ اكىم حالىقپەن ءبىر كۇن ەمەس، كۇندە كەزدەسۋى كەرەك. حالىقپەن كەزدەسۋ ءۇشىن ءبىر جىل كۇتۋدىڭ قاجەتى قانشا؟!" - دەدى نۇرسۇلتان نازاربايەۆ. 

جالپى، بۇگىنگى سەزدىڭ كۇن تارتىبىندە مىنا ءتورت ماسەلە قارالادى:

-پارتيانىڭ 2030 جىلعا دەيىنگى باعدارلاماسىن قابىلداۋ؛

-پارتيانىڭ قۇرامىنا وزگەرىستەر مەن تولىقتىرۋلار ەنگىزۋ.

-ساياسي قۇرامنىڭ جۇمىسىنا باعا بەرىپ، ورتالىق كوميسسيانىڭ جۇمىسىمەن تانىسۋ. ساياسي كەڭەس پەن ورتالىق باقىلاۋ كوميسسياسىنىڭ جاڭا قۇرامىن بەكىتۋ.

-سەزد جۇمىسى ساعات 14.00-دە اياقتالادى.

ۇسىنعان: گۇلىم جاقان