قامقورشىلىق ورگانى ءتورت جىل بويى باسقا وتباسىندا تاربيەلەنىپ كەلگەن بەس جاسار اسەمگۇل ورازىمەتتىڭ اتا-اناسىن تاپتى دەپ حابارلايدى Qamshy.kz اقپارات اگەنتتىگى  اقتوبە وبلىسىنىڭ وڭىرلىك كوممۋنيكاسيالار قىزمەتىنە سىلتەمە جاساپ.

ءبىلىم باسقارماسىنىڭ مالىمەتىنشە، 2015 جىلدىڭ تامىز ايىندا اناسى قىزىن كۇتۋشىسى فوتەكسا مارياناعا قالدىرادى. وسى ۋاقىتقا دەيىن قىز بالا  ونىڭ وتباسىندا تاربيەلەنەدى. ماريانا تۇرمىستا، 3 ۇل تاربيەلەپ وتىر، ولاردىڭ ەكەۋى ەرەسەك.

«قىزدىڭ اناسى استانادا تۇرىپ جاتقاندىعى انىقتالدى. الماتى اۋدانىنىڭ قالالىق ءبىلىم ءبولىمىنىڭ قورعانشىلىق جانە قامقورشىلىق ورگانى استانا قالاسى ءبىلىم بولىمىنە سۇرانىس جولدادى. تەلەفون ارقىلى سويلەسۋ بارىسىندا ايەل ءتورت جىل بۇرىن وتباسى جاعدايىنا بايلانىستى قىزىن كۇتۋشىگە قالدىرۋعا ءماجبۇر بولعانىن ايتقان. قىزدىڭ اكەسى دە استانادا تۇرادى. ءپىرمانوۆا اسەل وسى اپتانىڭ ىشىندە بالانى وتباسىنا الىپ كەتەتىنىن جەتكىزدى» - دەپ تۇسىنىكتەمە بەرگەن  ءبىلىم باسقارماسى ورازىمەت اسەمگۇلدى وتباسىنا قايتارۋ ماسەلەسى زاڭنامامەن بەلگىلەنگەن تارتىپتە قاتاڭ شەشىلەتىندىگىن اتاپ ءوتتى.

زاڭدى وكىلدەرىنىڭ بولماۋى سەبەبىنەن قىز بالا "ايالا" ومىرلىك قيىن جاعدايعا تاپ بولعان بالالاردى قولداۋ ورتالىعىنا ۋاقىتشا ورنالاستىرىلدى. قىزبەن پسيحولوگتار جۇمىس ىستەۋدە.

ۇسىنعان: ماقپال سەمباي