پاۆلودار قالاسىندا جۇڭگو ءتىلىن ۇيرەتەتىن لينگۆيستيكالىق بالاباقشا اشىلادى. جاڭا عيمارات بۇرىنعى "ستيكس" مەكتەبىنىڭ ورنىندا بولادى دەپ حابارلايدى Qamshy.kz اقپارات اگەنتتىگى caravan.kz سايتىنا سىلتەمە جاساپ.

قالانىڭ ءبىلىم ءبولىمىنىڭ باستىعى امانگەلدى يمانبەرلينوۆتىڭ ايتۋىنشا، ەكى قاباتتى عيماراتتى جالعا بەرۋ تۋرالى تەندەر  26 اقپاندا وتكىزىلگەن. ونى ج ش س «زامان اليانس» ۇتىپ العان.

جاڭا عيماراتتىڭ اشىلۋىنا ينۆەستور 337 ملن تەڭگە بولۋگە دايىن. بالاباقشا 2-دەن 5 جاسقا دەيىنگى شامامەن 230 بالا قابىلدايدى دەپ جوسپارلاپ وتىر. سونىمەن قاتار، مەكتەپكە دەيىنگى مەكەمەدە كارىس، قازاق، اعىلشىن تىلدەرىن دە وقىتادى. 

ول جەردە مۋزىكا، بالەت پەن اكتەرلىك شەبەرلىك ۇيىرمەلەرى دە بولادى جانە بالالارعا دومبىرا، قوبىز ۇيرەتەدى. بۇل پاۆلودار وبلىسىنداعى ەڭ العاشقى زاماناۋي بالاباقشا بولادى دەپ جوسپارلاپ وتىر.  

اتالمىش مەكەمەدە بالالاردى كەشكى ساعات 20-00-گە دەيىن قالدىرۋعا بولادى. اتا-اناسىنىڭ قالاۋىمەن، بالاباقشا ءتىپتى دەمالىس كۇندەرى دە بالالاردى قاراپ، وقىتادى. 

 ۇسىنعان: ماقپال سەمباي