2019 جىلى گولليۆۋدتىڭ 5 ءفيلمى قازاق تىلىنە دۋبلياجدالادى دەپ حابارلايدى Qamshy.kz اقپارات اگەنتتىگى kinostan.kz سايتىنا سىلتەمە جاساپ.

اتاپ ايتقاندا: "دامبو" 28 ناۋرىزدا، "الاددين" 12 مامىردا، "ويىنشىقتار حيكاياسى 4 / يستوريا يگرۋشەك 4" 20 ماۋسىمدا، "ارىستان پاتشا / كورول ليەۆ" 19 شىلدەدە جانە "مۇزدى ولكە 2 / حولودنوە سەردسە 2" 28 قاراشادا.

باستامانى "بولاشاق" كورپوراتيۆتىك قورى جانە "مەلومان" كومپانياسى ۇيىمداستىرىپ وتىر. وسىعان دەيىن 2011 جىلدان بەرى 27 فيلم دۋبلياجدالدى.

Disney فيلمدەرىنىڭ كەيىپكەرلەرىن قازاقشا سويلەتۋگە داۋرەن سەرعازين، نۇرلان ءالىمجانوۆ جانە باسقا دا وتاندىق جۇلدىزدار تارتىلادى. 

جارىق كورەتىن جوبالاردىڭ العاشقىسى - تيما بەرتوننىڭ "دامبو" ("Dumbo") وتباسىلىق فەنتەزيى. 1941 جىلعى انيماسيالىق تۋىندىنىڭ كوركەم كينو فورماتىنداعى رەمەيكى سيركتە تۋعان قۇلاعى ۇلكەن ءپىلدىڭ حيكاياسىن باياندايدى. فيلم پرەمەراسى 28 ناۋرىزدا.

ال جازدا الماتىدا قازاقشا دۋبلياجدالعان فيلمدەردىڭ فەستيۆالى وتەدى. بىرنەشە كۇن بويى وسى كۇنگە دەيىن اۋدارىلعان كينوجوبالاردىڭ بارلىعى كورسەتىلەدى. فەستيۆالدى ivi.ru ونلاين-كينوتەاترى ۇيىمداستىرادى.

ۇسىنعان: ماقپال سەمباي