جاڭا زەلاندياداعى مەشىتتە اتىس جاساعان لاڭكەستىڭ قولىنان قارۋدى تارتىپ الۋعا تىرىسقان كەزدە قازا بولعان پاكىستان ازاماتى نايم ءراشيدتى ەرلىگى ءۇشىن ماراپاتتاماقشى دەپ حابارلايدى Qamshy.kz اقپارات اگەنتتىگى ♦ريا نوۆوستيگە سىلتەمە جاساپ. 

ەر ادام لاڭكەس ان-نۋر مەشىتىنە كىرگەن كەزدە ونىڭ قولىنان تاپانشانى تارتىپ الماق بولىپ لاڭكەسكە تاپ بەرگەن. ءبىراق لاڭكەس ونى اتىپ ولتىرگەن.

"پاكىستان ەلى ازاماتى اق ءناسىلدى لاڭكەستى توقتاتۋعا تىرىسىپ جاتقان كەزىندە قازا بولعان  ميان نايم راشيدپەن ماقتانادى، سول ەرلىگى ءۇشىن وعان مەملەكەتتىك ماراپات بەرىلەدى"، - دەپ جازدى پاكىستان پرەمەر-مينيسترى يمران حان Twitter-دە.

پاكىستان سىرتقى ىستەر مينيسترلىگىنىڭ مالىمەتتەرى بويىنشا، جاڭا زەلاندياداعى لاڭكەستىك شابۋىلدا قازا تاپقان پاكىستاندىقتىڭ سانى - 9. 

"كرايسچەرچتەگى تەراكت كەزىندە قايتىس بولعان پاكىستان ازاماتتارىنىڭ وتباسىنا كەز كەلگەن قولداۋ كورسەتۋگە دايىنبىز"، - دەدى پرەمەر-مينيستر. 

جۇما كۇنى، ياعني  2019 جىلى 15 ناۋرىزدا  جاڭا زەلاندياداعى كرايسچەرچتە (وڭتۇستىك ارال) ەكى مەشىتتە اتىس بولىپ، سونىڭ سالدارىنان 50 ادام قازا تاپتى، تاعى 50ء-ى ءتۇرلى جاراقاتتار الدى. ەلدىڭ پرەمەر-مينيسترى بۇل وقيعانىڭ تەراكت ەكەنىن ايتتى. 

28 جاستاعى برەنتون تاررانت ادام ولتىرگەنى ءۇشىن ايىپتالىپ جاتىر، سەنبىدە سوت ونى 5 ساۋىرگە دەيىن اباقتىعا قامادى. 

ۇسىنعان: ماقپال سەمباي