بۇگىن قازاقستاننىڭ تۇڭعىش پرەزيدەنتى الماتى وبلىسى قاراساي اۋدانىنا بارعان ساپارىندا بىرگە وقىعان سىنىپتاستارىمەن جانە بالا كەزدەگى دوستارىمەن كەزدەسىپ، اڭگىمەلەستى دەپ جازادى Qamshy.kz اقپارات اگەنتتىگى.
اڭگىمەلەسۋ بارىسىندا ەلباسىنىڭ ەسكى دوستارى وزدەرىنىڭ ەستەلىكتەرىن ءبولىسىپ، ءوڭىردىڭ قازىرگى دامۋ جاعدايىن تالقىلادى.
ايتا كەتەيىك، قازاقستاننىڭ تۇڭعىش پرەزيدەنتى «اتامەكەن» تاريحي-مادەني ورتالىعىندا شامالعان اۋىلىنىڭ تۇرعىندارىمەن جۇزدەسكەن ەدى.
– تۋعان اۋىلىما كەلگەن سايىن ءارقاشان بالالىق شاعىمدى جىلى سەزىممەن ەسكە الامىن. مەنىڭ ءجۇرىپ وتكەن جولىم وڭاي بولعان جوق، مەملەكەتىمىزدىڭ ىلگەرىلەۋى مەن وركەندەۋى ءۇشىن كوپ ەڭبەك ەتتىم. شارشاعان كەزدەرىمدە اكەم ەكەۋىمىز ءجيى سەرۋەندەگەن شامالعاننىڭ كوشەلەرى مەن تاۋ بوكتەرلەرىن ەسىمە الاتىنمىن. سول ساتتە-اق شارشاعانىم باسىلادى، – دەدى ەلباسى.
نازاربايەۆ جۇرگىزىلىپ جاتقان ساياساتتىڭ ارقاسىندا ەلىمىزدىڭ حالىقارالىق ارەنادا مويىندالعانىن اتاپ ءوتتى. ءارى قاراي شامالعان اۋىلىنداعى دەنە شىنىقتىرۋ جانە ساۋىقتىرۋ كەشەنىنىڭ قۇرىلىس بارىسىمەن دە تانىستى.
ۇسىنعان: گۇلىم جاقان
