قازاقستاندا سالىنۋى ىقتيمال اتوم ەلەكتر ستانسياسىنا (اەس) ارنالعان اۋماق رەتىندە شىعىس قازاقستان وبلىسىنداعى كۋرچاتوۆ قالاسى مەن الماتى وبلىسىنداعى ۇلكەن اۋىلى تاڭدالعان دەپ حابارلايدى Qamshy.kz اقپارات اگەنتتىگى.
"كوپتەن بەرى ايتىلىپ جۇرگەن اەس سالۋ بويىنشا ناقتى شەشىم ءالى قابىلدانباعان - قۋاتى قانداي بولارى دا، ناقتى ورنى دا بەلگىسىز. ازىرگە تەك ستانسيا سالىنۋى مۇمكىن اۋماقتى بەلگىلەدىك. وزىمىزگە ساي كەلەتىن تەحنولوگيانى ىرىكتەيمىز. بۇل تۋرالى ءالى تالقىلانادى. اۋماق رەتىندە الماتى وبلىسىنداعى ۇلكەن اۋىلى تاڭدالدى. ءبىز ەڭ قولايلى تەحنولوگيانى تاڭدايمىز"، - دەدى سەناتتىڭ قۋلۋارىندا ەنەرگەتيكا ءمينيسترىنىڭ ورىنباسارى ماعزۇم مىرزاعالييەۆ.
ونىڭ سوزىنشە، "اەس قۇرىلىسى تالقىلانعاندا ازاماتتاردىڭ پىكىرى مىندەتتى تۇردە ەسكەرىلەدى".
ەسكە سالا كەتسەك، رەسەي پرەزيدەنتى ۆلاديمير پۋتين قازاقستان پرەزيدەنتى قاسىم-جومارت توقايەۆپەن كەلىسسوزدەر بارىسىندا ماسكەۋدىڭ نۇر-سۇلتانعا اتوم ەلەكترستانسياسىن سالۋ ۇسىنىس تاستاعانىن حابارلاعان بولاتىن.
"ءوزارا ءىس-قيمىلدىڭ جاڭا تۇرلەرىنە كوشۋدى ۇسىنامىز. ەڭ الدىمەن قازاقستاندا رەسەيلىك تەحنولوگيالار بويىنشا اەس سالۋ مۇمكىندىگىن ەسكەرەمىن"، - دەدى پۋتين. پۋتين ءوزىنىڭ العاشقى رەسمي شەتەلدىك ساپارىمەن رەسەيگە كەلگەنى ءۇشىن توقايەۆقا ريزاشىلىعىن ءبىلدىرىپ، كەلىسسوزدەر نۇرسۇلتان نازاربايەۆ كەزىندە قالىپتاسقان داستۇرگە سايكەس وتكەنىن اتاپ ءوتتى.
ۇسىنعان: ماقپال سەمباي
