ۇقك شىمكەنت قالاسى بويىنشا دەپارتامەنتى ۇلتتىق ۇلاننىڭ ارنايى بولىمشەسىن قاتىستىرۋمەن تۇراقتى تۇردە جەرگىلىكتى بيزنەسمەندەردەن ءىرى اقشالاي قاراجاتتى قورقىتىپ الۋمەن اينالىسقان ۇيىمداسقان قىلمىستىق توپتىڭ 6 مۇشەسىن ۇستادى دەپ جازادى Qamshy.kz اقپارات اگەنتتىگى otyrar.kz سايتىنىڭ دەرەگىن نەگىزگە الىپ.   

قىلمىستىق توپتىڭ مۇشەلەرى ءبىرقاتار زورلىق-زومبىلىق، ونىڭ ىشىندە اتىس قارۋىن قولدانۋمەن قىلمىستار جاسادى دەپ كۇدىكتەلۋدە.

ۇيىمداسقان قىلمىستىق توپتىڭ نەگىزىن بۇرىن اۋىر قىلمىستار جاساعانى ءۇشىن بىرنەشە مارتە سوتتالعان دەسترۋكتيۆتى ءدىني اعىمدى ۇستانۋشىلار قۇراعان.

باندا مۇشەلەرىن ۇستاۋ ولاردىڭ كەزەكتى كاسىپكەردەن كۇش قولدانۋمەن جانە ونىڭ ومىرىنە ءقاۋىپ توندىرۋمەن 10 000 اقش دوللارىن قورقىتىپ الۋ ساتىندە جۇزەگە اسىرىلدى.

ءبىرقاتار ءتىنتۋ جۇرگىزىلىپ، ۇيىمداسقان قىلمىستىق توپ مۇشەلەرىنىڭ قارۋ-جاراق ارسەنالى بار جاسىرىن ورىن انىقتالدى،  5 بىرلىك اتىس قارۋى جانە ولارعا وق-دارىلەر الىندى.

قازىرگى ۋاقىتتا ولاردىڭ ءدىني سەبەپتەر بويىنشا قىلمىستىق قۇقىق بۇزۋشىلىقتار جاساۋىنىڭ ىقتيمال فاكتىلەرى تەكسەرىلۋدە.

ۇسىنعان: اسەل بولات قىزى