پرەزيدەنت سايلاۋىنىڭ ەكىنشى كەزەڭىندە دە جەڭىسكە جەتكەن ۆلاديمير زەلەنسكييگە داۋىس بەرگەن ۋكراينا ازاماتتارى جاڭا باسشىعا ۇلكەن ءۇمىت ارتادى دەپ جازادى Qamshy.kz اقپارات اگەنتتىگى rambler.ru سايتىنىڭ دەرەگىن نەگىزگە الىپ. 

— مەن ەلىمىزدىڭ جارقىن بولاشاعى ءۇشىن داۋىس بەردىم. زەلەنسكيي زەينەتكەرلەردىڭ از زەينەتاقىسى مەن ازىق-تۇلىكتىڭ قىمباتتاپ كەتۋىن رەتكە كەلتىرەدى دەگەن ۇمىتتەمىن،- دەيدى ۇلى وتان سوعىسىنىڭ تىل ارداگەرى سوفيا ۆولسكايا جەرگىلىكتى باق-قا بەرگەن سۇحباتىندا.

سونىمەن قاتار ول، زەلەنسكيي حالىقتىڭ الدىندا تىزەرلەگەندە بارلىق زەينەتكەرلەردىڭ وعان سەنىم ارتقانىن اتاپ ءوتتى.

سونداي-اق ۋكراينالىق پوليتولوگ ميحايل پوگرەبەنسكيي ازاماتتاردى ساياسي احۋال مەن جەمقورلىقپەن كۇرەستىڭ تۇبەگەيلى وزگەرەتىنىنە زور ءۇمىت ارتپاۋعا شاقىردى.

— قانداي دا ءبىر وزگەرىستەردىڭ بولاتىنى انىق، ءبىراق ول تەك 2019 جىلدىڭ 27 قازانىندا وتەتىن پارلامەنتتىك سايلاۋدان كەيىن بەلگىلى بولادى. ال بۇل ۋاقىتقا دەيىن جاڭا باسشى، البەتتە، ءوزىن جاقسى قىرىنان كورسەتۋگە تىرىسادى،- دەپ اتاپ ءوتتى ميحايل پوگرەبەنسكيي.

بۇعان دەيىن رەسەي ستراتەگيالىق زەرتتەۋ ينستيتۋتىنىڭ ساراپشىسى ولەگ نەمەنسكيي شوۋمەن ۆلاديمير زەلەنسكييدىڭ پەتر پوروشەنكو بەكىتكەن ساياسي احۋالدى تۇبەگەيلى وزگەرتە قويۋى ەكى تالاي دەپ كۇمان كەلتىرگەن بولاتىن. ونىڭ ايتۋىنشا، زەلەنسكيي باستاپقىدا پرەزيدەنتكە قارسى شىققان جوق، تەك ۋكراينالىقتاردى وسى ۋاقىتقا دەيىن شارشاتىپ كەلگەن باعىتتاردى وزگەرتۋگە تالپىنعان.

ۇسىنعان: مارجان سابەت