ەلىمىزدىڭ تۇڭعىش پرەزيدەنتى نۇرسۇلتان نازاربايەۆ 2018 جىلعى 5 قازانداعى جولداۋىندا مەديسينالىق–سانيتاريالىق العاشقى كومەكتى (مساك) دامىتۋعا قاتىستى تاپسىرما بەرگەنى بەلگىلى. بۇل ماسەلە 2016-2019 جىلدارعا ارنالعان «دەنساۋلىق» باعدارلاماسىندا دا اتاپ كورسەتىلگەن. سوندىقتان ەڭ باستى بايلىق – ادام جانە ونگىڭ دەنساۋلىعى. بۇل ورايدا ۇكىمەت پەن ءتيىستى مينيسترلىكتەر حالىقتىڭ دەنساۋلىعىن جاقسارتۋ جولىندا ءتيىمدى جۇمىس ىستەپ جاتىر. سونداي-اق تۇڭعىش پرەزيدەنت نازاربايەۆتىڭ 2050 جىلعا قاراي الەمنىڭ ەڭ دامىعان 30 ەلىنىڭ قاتارىنا ەنۋ ءۇشىن ەكونوميكالىق ىنتىماقتاستىق جانە دامۋ ۇيىمىنا مۇشە ەلدەر (ەىدۇ) مەن قازاقستاننىڭ دامۋى اراسىنداعى الشاقتىقتى جويۋ تۋرالى تاپسىرماسى بار. وسىعان بايلانىستى قازىرگى ۋاقىتتا ميەديسينالىق قىزمەتتىڭ ساپاسىن ارتتىرۋ ءۇشىن سوڭعى ەكى-ۇش جىلدا كوپ جۇمىس ىستەلىندى. اتاپ ايتار بولساق،
دارىگەرلەردىڭ جۇكتەمەسى ازايتىلدى. 2018 جىلى 1315 جالپى پراكتيكا دارىگەرىنىڭ ۋچاسكەسى مەن 79 پەدياتريالىق ۋچاسكە اشىلدى. دارىگەر مامانداردىڭ تاپشىلىعىن جويۋ ماقساتىندا 2019 جىلى جوعارى وقۋ ورىندارىن بىتىرەتىن 5 مىڭنان استام جاس تۇلەكتىڭ ەندى 1515ء-ى جالپى پراكتيكا دارىگەرى مامانى بولادى. ونىڭ ۇستىنە دارىگەر ماماندىعىنىڭ تاپشىلىعىن جويۋ ءۇشىن ەندى ۋنيۆەرسيتەت بىتىرگەندەر بارعان جەرىندە كەم دەگەندە ءۇش جىل قىزمەت ىستەيدى. بۇل مىندەتتى. ەكىنشىدەن بۇل قادام مامانداردىڭ سول جەردە تۇراقتانىپ قالۋىنا سەپتىگىن تيگىزەدى.
قازىرگى ۋاقىتتا مەديسينالىق–سانيتاريالىق العاشقى كومەكتى (مساك) قولجەتىمدى ەتۋ اسا ماڭىزدى بولىپ وتىر. سوندىقتان ۇكىمەت پەن ءتيىستى مينيسترلىك مەدۇيىمداردى ىرىلەندىرۋ جۇمىستارى جۇرگىزۋدە. كوپتەگەن مەدمەكەمەلەر جەكە ينۆەستيسيانىڭ قاراجاتىمەن سالىنۋدا. سوڭعى ەكى جىلدا وسىنداي 214 نىسان پايدالانۋعا بەرىلدى، ونىڭ 31 پايىزعا جۋىعى جەكەنىڭ قارجىسىنا سالىنعان.
ەندى «دەنساۋلىق» مەملەكەتتىك باعدارلاماسى اياسىندا سوزىلمالى اۋرۋلاردى
باسقارۋ باعدارلاماسى ەنگىزىلمەك. مۇنىڭ تيىمدىلىگى وتە زور. ويتكەنى سىرقات ەمحاناعا نەمەسە دارىگەردىڭ الدىنا اۋرۋى اسقىنىپ كەتكەن كەزدە كەلمەيدى. دارىگەر مامان دا ونىڭ الدىن الىپ وتىرادى.
تاعى اتاپ وتەتىن ءبىر نارسە، پرەزيدەنت تاپسىرماسىنا وراي، 2019 جىلدىڭ باسىنان 36 مىڭ ۋچاسكەلىك مەديسينا قىزمەتكەرلەرىنىڭ جالاقىسى ۇلعايتىلدى. ول ءۇشىن مەملەكەتتىك قازىنادان 5،3 ملرد تەڭگە جۇمساۋ كوزدەلىپ وتىر. مۇنىڭ بارلىعى اينالىپ كەلگەندە، ەلباسىنىڭ تاپسىرماسى بويىنشا جۇزەگە اسۋدا. سونداي- اق جالاقىسى كوتەرىلگەن ۋچاسكەلىك مەديسينا قىزمەتكەرىنىڭ دە جۇمىسقا دەگەن ىنتاسى ارتادى.
سيفرلانۋ ماسەلەسى مەديسينالىق–سانيتاريالىق العاشقى كومەك قىزمەتىندە وتە تيىمدىلىگىن كورسەتىپ وتىر. ءبىر عانا مىسال، دەنساۋلىق ساقتاۋ مينيسترلىگى باسپا ءسوز قىزمەتىنەن الىنعان دەرەككە سەنسەك، قازىرگى ۋاقىتتا دەنساۋلىق ساقتاۋ ۇيىمدارىن كومپيۋتەرلىك تەحنيكامەن جابدىقتاۋ 95،1 پايىزعا جەتكەن. ال قالالار مەن اۋدان ورتالىقتارىندا مەديسينالىق اقپاراتتىق جۇيەنى ەنگىزۋ 100 پايىز بولىپ وتىر. سيفرلاندىرۋدىڭ ناتيجەسىندە ەمحانالارعا كەلۋ 2 ەسەگە، كەزەك سانى 60 پايىزعا قىسقارعان. مۇنىڭ بارلىعى دا مەديسينا سالاسىنداعى بولىپ جاتقان وزگەرىستەردىڭ بارعان سايىن جاقسى ناتيجەسىن كورسەتىپ وتىر. دەمەك العا جىلجۋ بار. بۇل ارينە، پرەزيدەنت تاپسىرماسىنىڭ ورىندالۋى مەن «دەنساۋلىق» باعدارلاماسىنىڭ جەمىسى دەپ اتاپ ءوتۋ كەرەك.
پىكىر قالدىرۋ