اۆستراليا بيلىگى جابايى مىسىقتارعا قارسى كۇرەس جۇمىستارىنا قىزۋ كىرىسىپ كەتتى دەپ حابارلايدى Qamshy.kz اقپارات اگەنتتىگى CNN سايتىنا  سىلتەمە جاساپ.

مەملەكەتتىك باعدارلاما بويىنشا 2020 جىلعا قاراي 2 ميلليون مىسىقتىڭ كوزىن جويۋ جوسپارلانعان.

العاش رەت مىسىقتار بۇل جەر بولىگىنە 17ء-شى عاسىردا اكەلىنىپ، سودان باستاپ رەكوردتىق دەڭگەيدە كوبەيگەن. مىسىقتار تابيعاتقا كەلتىرگەن زيانى ءۇشىن جانە سۇتقورەكتىلەر مەن ەندەميكتەردىڭ 20-دان استام تۇرىنە جويىلىپ كەتۋ ءقاۋپىن توندىرگەنى ءۇشىن "ايىپتالىپ" وتىر.

اۆستراليانىڭ ءاربىر شتاتىندا زيانكەستەرمەن كۇرەسۋدىڭ ءارتۇرلى ەرەجەلەرى بار. مىسالى، كۆيسلەند شتاتىندا ءبىر مىسىقتى ولتىرسەڭىز، مەملەكەتتەن 7 دوللار كولەمىندە سىياقى الاسىز.

ال، باتىس اۆستراليا شتاتىندا ۇشاقتان ۋلانعان شۇجىقتار لاقتىرىلادى. كەنگۋرۋدىڭ ەتى مەن گاسترولوبيۋم وسىمدىگىنەن جاسالاتىن ۋدان جاسالاتىن مۇنداي شۇجىقتار پەرت قالاسى ماڭىنداعى ارنايى فابريكادا وندىرىلەدى. بۇل شۇجىقتار مىسىقتار ءۇشىن وتە ءقاۋىپتى بولماعانىمەن، باسقا جانۋارلار ءۇشىن ءقاۋىپسىز. باستى سەبەبى، مىسىقتار جات جەردەن اكەلىنگەندىكتەن، مىسىقتاردا جوعارىدا اتالعان ۋلى وسىمدىككە قارسى يممۋنيتەت قالىپتاسپاعان.

ايتا كەتەتىن تاعى ءبىر جايت، مىسىقتارعا قارسى تەك اۆستراليا ەمەس، كورشىلەس جاڭا زەلانديا بيلىگى دە اياۋسىز كۇرەس جۇرگىزىپ جاتىر. ولار دا مىسىقتار پوپۋلياسياسىنىڭ سانىن كۇرت ازايتىپ، 2050 جىلعا قاراي تۇگەلىمەن جويىپ جىبەرۋدى كوزدەپ وتىر.

اۋدارعان: داۋرەن سىبانباي