امەريكالىق نەبراسكا شتاتىندا ەر ادام كوشەدە كەلە جاتىپ، بايقاۋسىزدا تاپانشادان ءوزىنىڭ شات تۇسىنا اتىپ جىبەردى، دەپ حابارلايدى Qamshy.kz اقپارات اگەنتتىگى WIBW اقپاراتتىق پورتالىنا سىلتەمە جاساپ.
لينكولن قالاسىنىڭ پوليسيا قىزمەتكەرلەرىنىڭ ايتۋىنشا، وقيعا 1-مامىر كۇنى ورىن العان. 32 جاستاعى پيتەر ياكوبسسون (Peter Jacobsson) كوشەدە كەلە جاتقاندا، قالتاسىنان تاپانشا ءتۇسىپ قالادى. قارۋ جەرگە سوعىلىپ، كەزدەيسوق ودان وق اتىلادى. اتىلعان وق تاپانشا يەسىنىڭ ءوزىن جارالاعان بولىپ وتىر.
امەريكالىق ازامات جەرگىلىكتى اۋرۋحاناعا جاتقىزىلىپ، وعان العاشقى مەديسينالىق كومەك كورسەتىلدى. ەر ادام اجالدان امان قالدى. ەندى ياكوبسسون زاڭسىز قارۋ ساقتاعانى جانە قالا ىشىندە جاساعان اتىسى ءۇشىن سوت الدىڭدا جاۋاپ بەرەدى.
ۇسىنعان: يلدار اديلچەنوۆ
