ۋاقىتتى كەرى اينالدىرىپ، كەلمەستىڭ كەمەسىمەن كەتكەن جالىندى جاستىقتىڭ الاڭسىز ساتتەرىن قايتارۋ مۇمكىن ەمەس دەپ ايتىپ جاتامىز. البەتتە، ادام بالاسى قارتايۋعا بەيىم. بۇل تابيعاتتىڭ زاڭدىلىعى. ءتىپتى عالىمداردىڭ ءوزى عىلىم مەن ءبىلىم دامىسا دا ماڭگى جاساۋدىڭ، جاستىق قالپىڭدى ساقتاپ قالۋدىڭ جولىن ونداعان جىلداردان بەرى ىزدەپ الەك.

«بەندجامين باتتوننىڭ بەلگىسىز وقيعاسى» اتتى قىزىقتى ءفيلمدى بارلىعىڭىز تاماشالاعان بولارسىزدار؟ وقيعا جەلىسى بويىنشا باس كەيىپكەر ومىرگە قارت كىسى بولىپ كەلىپ، وسكەن سايىن جاسارىپ، ءومىرىنىڭ سوڭىندا كىشكەنتاي شاقالاققا اينالادى. ءدال وسىعان ۇقساس وقيعا شىنايى ومىردە دە كەزدەسەدى. ءبىراق عالىمدار مۇنىڭ قۇپيا سىرىن تۇسىندىرەتىن جاۋاپتى ءالى تاپقان جوق.

وسىعان ۇقساس وقيعا جاپونيا تۇرعىنى سەي سەناگوننىڭ باسىنان دا وتكەن. ول 19 جىل بۇرىن ءوزىنىڭ 75 جاستىعىن تويلاعان. ارادا بىرنەشە اپتا وتكەننەن كەيىن بەتىندەگى ءاجىمى جوعالىپ، شاشىنىڭ اعى كەتىپ، جاسارىپ بارا جاتقانىن بايقاعان.

ارادا تاعى ءبىراز ۋاقىت وتكەندە قىزىل يەگى اۋرىپ، ءتىس دارىگەرىنە جۇگىنەدى. دارىگەر بارلىعىن تەكسەرىپ، باقىلاعاننان كەيىن پروتەزدىڭ استىندا جاڭا تىستەردىڭ شىعىپ كەلە جاتقانىن ايتادى. بىرنەشە ايدان كەيىن ايەل مۇلدەم ادام تانىماستاي وزگەرە باستايدى. ويتكەنى كۇن وتكەن سايىن جاسارىپ، سۇلۋلانا باستايدى.

وزىمەن كوپ جىل وتاسقان كۇيەۋىمەن اجىراسىپ، جاس جىگىتكە تۇرمىسقا شىعىپ، دۇنيەگە ءسابي الىپ كەلەدى.   الايدا جاپوندىقتار بۇل جاعدايعا كۇدىكپەن قاراپ، جاسارۋدىڭ استارىندا پلاستيكالىق وتانىڭ تۇرعانىن العا تارتا باستاعان. سەي سەناگون ەشقانداي وتا جاساتقان ەمەسپىن دەپ سەندىرەدى.

بۇل وقيعا عالىمداردى دا بەي-جاي قالدىرمادى. ولار بۇل جاعدايدى تولىق زەرتتەپ، قىزدىڭ اعزاسىنان بارلىق ەسكى جاسۋشالاردى جاڭارتقان بەلگىسىز گەندى تاپقان. گەننىڭ نە سەبەپتى اياق استى پايدا بولعانىن ەشكىم تۇسىندىرە المادى. ەگەر جاسارۋ توقتاماسا، سەي سەناگون ۋاقىت وتە كەلە سابيگە اينالادى دەپ ەسەپتەگەن عالىمدار.

دارىگەرلەردىڭ ايتۋىنشا، سەي سەناگوننىڭ اعزاسىنداعى بۇل وزگەرىس باۋىرىنا وتا جاسالعان كەزدە ەنگىزىلگەن گورمونالدى ستيمۋلياتورلاردىڭ اسەرىنەن بولۋى مۇمكىن. الايدا ەشكىم بۇعان عىلىمي انىقتاما بەرە العان جوق.

سەيدىڭ قازىرگى جاعدايى بەيمالىم. ايەل كوپشىلىكتىڭ نازارىنان قاشىپ، تۇرعىلىقتى جەرىن، ءتىپتى ءاتى-جونىن دە وزگەرتىپ جىبەرگەن.

اۋدارعان: مارجان سابەت