«نۇر استانا» مەشىتىندە قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپاربايەۆ مىرزا اۋىزاشار داستارقانىن جايدى دەپ حابارلايدى Qamshy.kz اقپارات اگەنتتىگى ummet.kz سايتىنا سىلتەمە جاساپ.

جىلدا اۋىزاشار داستارقاندارىندا ەل اعالارى، ءىس باسىندا جۇرگەن اسىل ازاماتتار دا حالىقپەن بىرگە بولىپ، جۇرتشىلىقتىڭ اراسىنا كەلىپ، ورازا ۇستاۋشىلار مەن قالاداعى الەۋمەتتىك جاعدايى تومەن جاندارعا ارناپ اۋىزاشار بەرىپ كوپتىڭ العىس-باتاسىن الىپ جاتادى. حالىقتىڭ ىقىلاسىنا بولەنىپ جۇرگەن مينيستر ءوزى باس بولىپ بيىل دا وسى ءۇردىستى جالعاستىردى.

«نۇر استانا» مەشىتىندە جينالعان حالىققا اۋىزاشار داستارقانىن جايعان مينيستر مىرزا حالىقتى قاسيەتتى ايمەن قۇتتىقتادى.

سونىمەن بىرگە، حالقىمىزدىڭ تىنىشتىعى مەن ەلدىڭ تۇتاستىعى جايىندا وي قوزعاپ، تىنىشتىقتىڭ ەڭ ۇلكەن جاقسىلىق ەكەنىن تىلگە تيەك ەتىپ، حالىقتى ءاردايىم اۋىزبىرشىلىكتە بولۋ جايىندا ساليقالى ويلارىمەن ءبولىستى.

ەستەرىڭىزگە سالا كەتەيىك، «نۇر استانا» مەشىتىندە اي بويى كۇندەلىكتى 400 ادامعا اۋىزاشار بەرىلىپ ءجۇر.

ۇسىنعان: ماقپال سەمباي