«گرۋزيانىڭ مۇسىلماندار وداعى»، ەلدىڭ ەكس-پرەزيدەنتى ميحايل سااكاشۆيليدەن ءادجاريدىڭ حۋلو اۋدانىندا تۇراتىن مۇسىلمان ءدىنىن قابىلداعان جەرگىلىكتى تۇرعىندارعا ءتىل تيگىزگەنى ءۇشىن  كەشىرىم سۇراۋىن تالاپ ەتتى، دەپ حابارلايدى Qamshy.kz اقپارات اگەنتتىگى رامبلەر سايتىنا سىلتەمە جاساپ.

سااكاشۆيلي: «حۋلونىڭ تۇرعىندارىنا ەشقانداي دا سۋرەت گالەرەياسى قاجەت ەمەس»،  - دەپ، مادەنيەتى جوق اۋدان ەكەندىگىن ايتقان. سونىمەن قاتار ول جەرگىلىكتى ساياساتكەرلەردىڭ ءبىرىن «ارتتا قالعان» جانە «ۇستىنەن جاعىمسىز ءيىس شىعادى» دەپ كەكەتكەن.

«مۇسىلماندار وداعىنىڭ» باسشىسى تاريەل ناكاشيدزە، ەكس-پرەزيدەنتتىڭ بۇل ارەكەتىن «قورلىق پەن كەمسىتۋشىلىككە» بالادى.

ەسكەرتە كەتەيىك، حۋلودا جانە گرۋزيانىڭ باسقا دا ايماقتارىندا 19 مامىر كۇنى قالا مەرىنىڭ سايلاۋى وتەدى. گرۋزيا سوتىنان قاشىپ، شەتەلدە بوي تاسالاپ جۇرگەن ەكس-پرەزيدەنت الەۋمەتتىك جەلىلەر مەن ۆيدەوۇندەۋلەر ارقىلى ءوزىنىڭ «ءبىرىڭعاي ۇلتتىق قوزعالىس»  پارتياسىنىڭ كانديتاتىنا داۋىس بەرۋگە شاقىرۋدا.

دايىنداعان: مارجان سابەت