ەلىمىزدە «اناشىم، ءبىز ۇيدەمىز» دەپ اتالاتىن جوبا كوپبالالى وتباسىلارعا ارنالعان الەۋمەتتىك تەلەجوبا باستالادى دەپ حابارلايدى Qamshy.kz اقپارات اگەنتتىگى kaztrk.kz سايتىنا سىلتەمە جاساپ.

بۇل تۋرالى اقپارات جانە قوعامدىق دامۋ ءمينيسترى داۋرەن ابايەۆ ورتالىق كوممۋنيكاسيالار قىزمەتىندە مالىمدەدى.  الەۋمەتتىك از قامتىلعان وتباسىلاردى دەمەۋ ماقساتىندا جاسالىپ جاتقان شارا اياسىندا مۇنداي وتباسىلاردىڭ باسپانالارى كۇردەلى جوندەۋدەن وتكىزىلەدى. ول ءۇشىن الدىمەن ىرىكتەۋدەن ءوتۋ كەرەك. باستى تالاپتارى: مىندەتتى تۇردە وتباسى كوپ بالالى بولۋى جانە جەكە باسپاناسى بولۋى ءتيىس. جانە ىرىكتەۋگە قاتىسۋ ءۇشىن وتباسى تۋرالى ادەمى اڭگىمە جازۋ كەرەك.

داۋرەن ابايەۆ،  ق ر اقپارات جانە قوعامدىق دامۋ ءمينيسترى: "جىل سايىن كوپبالالى وتباسىلاردى قولداۋ ماقساتىندا كوپتەگەن مەملەكەتتىك باعدارلامالار جۇزەگە اسىرىلۋدا. اعىمداعى جىلدىڭ وزىندە اتاۋلى الەۋمەتتىك كومەكپەن قاتار 40 مىڭ جالدامالى پاتەر قۇرىلىسىنا قاتىستى جاڭا ءىس-شارالار قولعا الىندى. اقپارات جانە قوعامدىق دامۋ مينيسترلىگى دە كوپبالالى وتباسىلارعا بايلانىستى باستامالاردى قولداۋعا ءاردايىم دايىن" -دەدى.

وقي وتىرىڭىز، ♦“اناشىم، ءبىز ۇيدەمىز” باعدارلاماسىنا قالاي قاتىسۋعا بولادى؟

ۇسىنعان: ماقپال سەمباي