"گولوس دەتي" بايقاۋىنان كەيىن ەرجان ماكسيم مەن ميكەللا ابراموۆا پروۆوكاسيالىق روليككە تۇسەدى. ەرجان ماكسيمنىڭ اناسى قىزۋ تالقىعا تۇسكەن جارنامالىق روليككە بايلانىستى مالىمدەمە جاسادى دەپ حابارلايدى Qamshy.kz اقپارات اگەنتتىگى gazeta.ru سايتىنىڭ دەرەگىن نەگىزگە الىپ.
اتالمىش جارنامالىق روليكتە ەرجان ماكسيم "پامياتي كرۋزو" ءانىن ورىندايدى. سونداي-اق جارنامالىق روليكتى ەرجان ماكسيم "تاعى دا ەكىنشى مە" دەگەن سوزبەن اياقتاعان. بۇل ءسوزدى الەۋمەتتىك جەلى قولدانۋشىلارى قىزۋ تالقىلاعان بولاتىن. سەبەبى ەرجان ماكسيم "گولوس دەتي" باعدارلاماسىنا 2- ورىن العان ەدى. كوپتەگەن جەلى قولدانۋشىلارى بۇل جارنامالىق روليك رەسەيلىك بايقاۋدى مازاق قىلۋ دەپ ءتۇسىندى.
ال اناسى بۇل ءسوزدىڭ ەكىنشى ماعىناسى بارىن كەيىن بىلگەنىن ايتتى.
"بىزگە سەنارييدى ءبىر كۇن بۇرىن عانا بەردى. ءبىز ونى قاراپ، دۇرىستاپ دايىندالمادىق. سەبەبى قاربالاس جۇمىستار بولدى. قاتتى شارشاعان ەدىك. تەك ءتۇسىرىلىم الاڭىنا بارعان كەزدە ءبىز ولاردىڭ ايتقانىن دالمە-دال قايتالادىق. سوڭعى ءسوزدىڭ ەكى ءتۇرلى ماعىناسى بارىن كەيىن عانا تۇسىندىك"، - دەيدى گۇلميرا الىبەك.
كەيىن گۇلميرا الىبەك رەجيسسەرگە حابارلاسىپ، ۇلىن ءوز ماقساتىنا پايدالانعانىن ايتىپ، رەنىشىن بىلدىرەدى. ال رەجيسسەر بولسا وكىنەتىنىن ايتقان.
اۋدارعان: اسەل بولات قىزى
پىكىر قالدىرۋ