قاراعاندى وبلىسى اۋداندىق ءبىلىم دەپارتامەنتىنىڭ باسشىسى ايناگۇل اقماعامبەتوۆا جازالانادى، دەپ حابارلايدى Qamshy.kz اقپارات اگەنتتىگى Hola News سايتىنا سىلتەمە جاساپ.
تەستىلەۋ ناۋرىز ايىندا وتكەن. ابيتۋريەنتتەردىڭ ءبىرىنىڭ اناسى ايناگۇل اقماعانبەتوۆا مەملەكەتتىك كوميسسيانىڭ ءتورايىمى بولىپتى. اقماعانبەتوۆانىڭ قىزى ۇبت-نى تەلەفوننىڭ كومەگى ارقىلى تاپسىرىپ شىعىپ، 103 بالل جيناعان.
الايدا ەرەجەگە قارسى كەلەتىن ارەكەت بىردەن انىقتالماعان. مەملەكەتتىك قىزمەت دەپارتامەنتىنىڭ ماماندارى ۆيدەونى كورۋ بارىسىندا زاڭ بۇزۋشىلىقتى انىقتادى. ەمتيحان كەزىندە جاۋاپ قابىلدانىپ قويعاندىقتان، ۇبت ناتيجەلەرى جويىلمادى. سوندىقتان قىزدىڭ باللى سول قالپىندا قالدى.
ءبىراق مەكتەپ تۇلەگى مەملەكەنتتىك گرانتقا تالاسا المايدى. ونىڭ تاپسىرعان تەستى اقىلى بولىمگە ارنالعان. مەملەكەتتىك قىزمەت ىستەرى جانە سىبايلاس جەمقورلىققا قارسى كۇرەس باسقارماسىنىڭ باسشىسى جاندوس سارسەنوۆ اۋداندىق ءبىلىم ءبولىمىنىڭ باسشىسىن جازا كۇتىپ تۇرعانىن ايتتى.
ۇسىنعان: مارجان سابەت
