وسىدان ءبىر اي بۇرىن ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ ەسترادا فاكۋلتەتىندە XXVIII حالىقارالىق «سلاۆيان بازارى ۆيتەبسك — 2019» ونەر فەستيۆالىنە ۇلتتىق ىرىكتەۋ كەزەڭى وتكەن بولاتىن دەپ حابارايدى Qamshy.kz اقپارات اگەنتتىگى ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ باسپا ءسوز قىزمەتىنىڭ مالىمەتىنە سۇيەنىپ. 

ىرىكتەۋگە ەلىمىزدىڭ تۇكپىر-تۇكپىرىنەن كەلگەن 36 ونەرپاز قاتىستى. ءادىلقازىلار القاسىنىڭ قۇرامىندا اكادەميا رەكتورى اسحات ماەميروۆ، اكادەميانىڭ ەسترادا فاكۋلتەتىنىڭ دەكانى باعىم مۇحيتدەنوۆا، اكادەميانىڭ شىعارماشىلىق جۇمىستار جانە حالىقارالىق بايلانىستار جونىندەگى پرورەكتورى، بەلگىلى ءانشى ساكەن مايعازييەۆ، تانىمال ەسترادا ورىنداۋشىسى الىشەر كارىموۆ جانە «سلاۆيان بازارى» فەستيۆالىنىڭ ايماقتىق رەسمي وكىلى قارلىعاش ابدىكارىموۆا بولدى.

ءادىلقازىلار القاسى اقتىق سىنعا جىبەرگەن 18 ءانشىنىڭ اراسىنان ەڭ كوپ ۇپاي جيناعان ەكى ۇمىتكەر — اكادەميانىڭ ەسترادا ونەرى فاكۋلتەتىنىڭ ءۇشىنشى كۋرس ستۋدەنتتەرى ەرىك تولەنوۆ پەن ءادىلحان ماكين جالعىز جولدامانى ءوزارا ساراپقا سالعان. 

ولاردى قوسىمشا تىڭداۋ ءۇشىن ەكى اپتا دايىندىق كەزەڭى بەرىلدى. قوسىمشا تىڭداۋ كەزىندە ءادىلحان ماكيندى نەعۇرلىم ورنىقتى جانە ورىنداۋ مانەرى بويىنشا سەنىمدى شىقتى دەپ تاپقان ءادىلقازى مۇشەلەرى حالىقارالىق فەستيۆالگە اتالمىش ونەرپازدى جىبەرۋدى ۇيعاردى.

وسى ورايدا فەستيۆال وكىلى قارلىعاش ابدىكارىموۆا كەلەسى جىلعى فەستيۆالگە الدىن الا تىڭداۋسىز ەرىك تولەنوۆتىڭ باراتىنىن حابارلادى. 

مامىردىڭ 14-19 كۇندەرى ارالىعىندا ەرىك رۋمىنيانىڭ برايلا قالاسىندا وتكەن ۆوكاليستەردىڭ گەورگيي گريگوريۋ اتىنداعى حالىقارالىق فەستيۆالىنە قاتىستى، ال ءدال وسى كۇندەرى ءادىلحان ماكين بولگاريانىڭ دوبريچ قالاسىندا وتكەن "سارانديەۆ - 2019" XXVIII حالىقارالىق پوپ-روك ەۋروپالىق جاستار بايقاۋىندا ب ا ق سىنادى. ەكەۋىندە دە ناتيجە ايتارلىقتاي: ەرىك الەمنىڭ جيىرما ءۇش ەلىنەن كەلگەن انشىلەر قاتىسقان بەدەلدى سايىستا اتاقتى رۋمىن ءانشىسى جانە مۋزىكانتى گەورگيي گريگوريۋدىڭ رەپەرتۋارىنداعى ءاندى جاڭا ناقىشتا ورىنداپ، كونكۋرستىڭ گران-پري جۇلدەسىن جەڭىپ الدى، ال ءادىلحان ماكين بولگارياداعى بايقاۋدا جۇلدەلى 1-ورىنعا يە بولدى.

بۇل جەردە ايتا كەتەتىن ءبىر جاعداي، كونكۋرسقا قاتىسۋشىلار جارىسقا ەكى جاس مولشەرى بويىنشا ءتۇستى دە، ءادىلحان ءوز توبىندا تاڭداۋلى دەپ تانىلدى. ءبىراق گران-پري جالعىز بولعاندىقتان ول كەلەسى جاس مولشەرى توبىندا ءبىرىنشى ورىن العان، ايىقپاس دەرتكە شالدىققان قىز بالاعا بەرىلگەن.

ەرىك تولەنوۆتىڭ ءان ايتۋ مانەرى زاماناۋي پوپ ستيلىنە كەلىڭكىرەسە، ءادىلحان ماكين پوپ-روك ستيلىنە بەيىم. ەكى ءانشىنى دە ۇلكەن ونەر جولىنا ەسترادا ونەرى PhD دوكتورى، ەسترادا ونەرى فاكۋلتەتى ەسترادالىق ۆوكال كافەدراسىنىڭ اعا وقىتۋشىسى يانيس كايسيديدىڭ سىنىبىندا وقيدى.

«سلاۆيان بازارى» فەستيۆالىنە بۇعان دەيىن دە بىرنەشە قازاقستاندىق انشىلەر قاتىسقان. سولاردىڭ ىشىنەن الىشەر كارىموۆ 3-ورىن (2011 جىل)، ديماش قۇدايبەرگەن گران-پري (2015) ، امرە (ەرنار سادىربايەۆ)  1-ورىن (2018) يەلەنگەن ەدى.

 ۇسىنعان: مارجان سابەت