اتىراۋ قالاسىنداعى وبلىستىق پەرزەنتحانادا جاڭادان بوسانعان ايەل قايتىس بولدى. قايعىلى وقيعا تۋرالى مارقۇمنىڭ يساتاي اۋدانىنداعى تۋىستارى ايتتى  دەپ جازادى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.

"ول ءۇش جىل بويى بالا كوتەرە الماي جۇرگەن. ءبىراق ول بالاسىن بوسانىپ، ءتىپتى ءسابيىن تاماقتاندىردى دا، ءبىراق ءتورت ساعاتتان كەيىن بىزگە دارىگەر ونىڭ قايتىس بولعانىن ايتتى، تۇسىنىكسىز"،–  دەدى مارقۇمنىڭ كۇيەۋىنىڭ ۇلكەن اعاسى.

بۇل جاعدايدى وبلىستىق دەنساۋلىق ساقتاۋ باسقارماسى راستاپ وتىر. وبلىستىق دەنساۋلىق ساقتاۋ باسقارماسىنىڭ باسشىسى مانشۇك قۇدايبەرگەن قىزىنىڭ ايتۋىنشا، دارىگەرلەر بالانى وپەراسيا ارقىلى اناسىنىڭ ىشىنەن كەسىپ العان. 

"بالانىڭ ءومىرى مەن دەنساۋلىعىنا ءقاۋىپ ءتوندى. 30-عا جۋىق دارىگەر ونىڭ ءومىرى ءۇشىن كۇرەسىپ، حيرۋرگيالىق وپەراسيا جاسالدى. وتا جاساۋعا تاجىريبەلى دارىگەرلەر تارتىلعان. باسىندا ءبارى ويداعىداي ەدى.  4-5 ساعات وتكەننەن كەيىن ايەلدىڭ جاعدايى ناشارلاي باستادى. نە سەبەپتەن قايتىس بولعانى زەرتتەۋ جۇمىستارىنان كەيىن انىقتالادى"، –  دەدى دەنساۋلىق ساقتاۋ باسقارماسىنىڭ باسشىسى.

ۇسىنعان: ميات كاشىباي