تۇركىستان وبلىسى كامەلەتكە تولماعاندار ءىسى جونىندەگى مامانداندىرىلعان اۋدانارالىق سوتى تۇركىستانداعى تالعات بيگەلدينوۆ اتىنداعى مەكتەپتىڭ 9-سىنىپتاعى ءۇش وقۋشىسىنا الىمجەتتىك جاساعان قالاداعى وزگە ءۇش مەكتەپتىڭ ءتورت وقۋشىسىن كەشىردى. بۇل تۋرالى ازاتتىق راديوسىنا 27 مامىر كۇنى وبلىستىق سوتتىڭ باسپا ءسوز قىزمەتى حابارلاعان دەپ جازادى Qamshy.kz اقپارات اگەنتتىگى. 

باسپا ءسوز قىزمەتىنىڭ مالىمدەۋىنشە، قىلمىستىق كودەكستىڭ "بۇزاقىلىق" بابىمەن ايىپتالعان ءتورت وقۋشى جابىرلەنۋشى دەپ تانىلعان ءۇش وقۋشىمەن تاتۋلاسىپ، ايىپتالۋشى تاراپ كەلتىرىلگەن شىعىندى وتەگەن. ەكى جاقتىڭ كەلىسىمگە كەلگەن سوڭ 21 مامىردا قىلمىستىق ءىس توقتاتىلعان. ايىپتالۋشىلار مەن جابىرلەنۋشىلەر كامەلەت جاسقا تولماعاندىقتان، ولاردىڭ ءاتى-جونى جاريالانبادى.

ەستەرىڭىزدە بولسا، 21 قاڭتاردا عالامتوردا تۇركىستاندىق مەكتەپ وقۋشىلارىنىڭ ءۇش بالاعا الىمجەتتىك جاساپ، ولاردى ۇرىپ-سوعىپ، "تەمەكىمەن كۇيدىرەمىز" دەپ قورقىتىپ جاتقانى بەينەلەنگەن ۆيدەو تاراعان.  ەرتەڭىندە ىشكى ىستەر مينيسترلىگىنىڭ وكىلى توبەلەسكە قاتىسۋشىلاردىڭ ءبارىن انىقتاعاندارىن جاريالادى.

ۇسىنعان: ميات كاشىباي