ماڭعىستاۋداعى بوزجىرا شاتقالىنا بارعان امەريكالىق تۋريستەر تاڭ قالىپ قايتتى دەپ حابارلايدى Qamshy.kz اقپارات اگەنتتىگى لادا سايتىنا سىلتەمە جاساپ.
ماماندار بۇل قۇبىلىس اۋانىڭ ەلەكترلەنۋىنىڭ اسەرىنەن بولعان دەيدى. بىرنەشە جىل بويى ماڭعىستاۋ وڭىرىنە ەكسپەديسيا ۇيىمداستىرۋشى سەرگەي حاچاتريان مۇندايدى ءبىرىنشى رەت كورگەنىن ايتادى.
"بۇل جولى بوزجىرا شاتقالىنا امەريكالىق تۋريستەردى اكەلگەن ەدىم. ەڭ بيىك نۇكتەگە كوتەرىلگەن كەزدە تۇسىنىكسىز جاعدايعا تاپ بودىق. قولىمىزدى جوعارى كوتەرگەن كەزدە ءبىر نارسەنىڭ ساتىر-سۇتىر ەتكەن دىبىسى ەستىلدى. توقتىڭ دىبىسىنا ۇقسايدى دەپ ايتا الامىن. بۇدان سوڭ ءبارىمىزدىڭ توبە شاشىمىز تىك تۇردى دەپ ايتۋعا بولادى"، - دەدى سەرگەي حاچاتريان.
بۇل قۇبىلىس تاڭعالارلىق جاعداي ەمەس دەيدى ماماندار.
"جەر بەتىندە دە توق قۋاتى بار. بۇل كۇنى كۇن بۇلتتى، اۋا ىلعالدى بولدى. سول سەبەپتى اۋاداعى قۋات پەن جەردىڭ ءوزارا ارەكەتتەسۋى بايقالدى" - دەپ ءتۇسىندىردى ش. ەسەنوۆ اتىنداعى ۋنيۆەرسيتەتتىڭ گەولوگيا كافەدراسىنىڭ دوسەنتى، گەولوگ-گەوفيزيك گەنناديي تاراسەنكو.
ۇسىنعان: مارجان سابەت
پىكىر قالدىرۋ