اكىممەن بىرگە قابىلداۋعا ق ر يندۋستريا جانە ينفراقۇرىلىمدىق دامۋ ءبىرىنشى ۆيسە-مينيسترى قايىربەك وسكەنبايەۆ قاتىستى، - دەپ حابارلايدى Qamshy.kz اقپارات اگەنتتىگى ەلوردا اكىمدىگىنىڭ سايتىنا سىلتەمە جاساپ.

كوپبالالى انالاردىڭ ءبارى (شامامەن 70 ادام) - ۇكىمەت عيماراتىنىڭ الدىنداعى ءىس-شاراعا قاتىسۋشىلار. ولار مەملەكەت باسشىلىعىمەن كەزدەسۋدى تالاپ ەتتى.

ولاردىڭ باستى تالاپتارىنىڭ ءبىرى جەكەمەنشىك باسپانا بەرۋ جونىندە بولدى. كوپبالالى انالار 10 پايىزدىق باستاپقى جارنانىڭ كۇشىن جويۋدى، يپوتەكا بويىنشا جىلدىق 2 پايىزدىڭ كۇشىن جويۋدى (پاتەردى ساتىپ الۋعا ءبولىپ تولەۋدى ەنگىزۋ)، تۇرعىن ءۇيدى جالعا ەمەس بىردەن مەنشىككە بەرۋدى تالاپ ەتتى.

ايتا كەتەرلىگى، كوپبالالى انالاردىڭ ءبارى وسىعان دەيىن قالا اكىمىنىڭ جانە ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپاربايەۆتىڭ جەكە قابىلداۋىندا بولعان. ال كوتەرگەن ماسەلەلەرى وسىعان دەيىن قالا باسشىلىعى مەن مينيسترلىك تاراپىنان شەشىمىن تاپقان. ولارعا كوپبالالى وتباسىلارعا تيەسىلى اتاۋلى الەۋمەتتىك كومەك جانە جاردەماقى الۋ، سونداي-اق كوپبالالى وتباسىلاردىڭ بالالارىنا بەرىلەتىن جەڭىلدىكتەر تۋرالى كەڭەستەر بەرىلدى.

قالا باسشىلىعى كوپبالالى انالاردىڭ بالالارىن بالاباقشالارداعى ورىندارمەن (سونىڭ ىشىندە ينكليۋزيۆتىك) قامتاماسىز ەتۋ جونىندەگى بارلىق ءوتىنىشىن جەدەل شەشتى.

اكىمدىك بالالاردى جازعى لاگەرلەرگە بەرىلەتىن تەگىن جولدامامەن قامتاماسىز ەتتى. جالپى وقۋ شەڭبەرىندە از قامتىلعان كوپبالالى وتباسىلاردىڭ بارلىق وقۋشىسىنا كەڭسە تاۋارلارى مەن كيىم-كەشەك بەرىلدى. تىلەك ءبىلدىرۋشى اتا-انانىڭ بارىنە جۇمىس ورىندارى نەمەسە وقۋ كۋرستارىنا جولداما بەرىلدى.

ال "قىسقا مەرزىمدە باسپانامەن قامتاماسىز ەتۋ» تۋرالى تالابىنا وسىعان دەيىن بىرنەشە رەت تۇرعىن ءۇي زاڭناماسىنىڭ، "باسپانا" باعدارلاماسىنىڭ جانە كەزەكتە تۇرعانداردىڭ تۇرعىن ءۇي الۋ ەرەجەسى تۋرالى تۇسىندىرىلگەن. ەلوردادا مۋنيسيپالدى باسپانالاردىڭ قۇرىلىس كولەمى ارتىپ كەلە جاتقانىن باقىت سۇلتانوۆ وسىعان دەيىن دە بىرنەشە رەت مالىمدەگەن.

"بيىل ءبىز كەزەكتە تۇرعاندارعا 900 پاتەر (بىلتىر 182) تاپسىرامىز. جىل سايىن بەرىلەتىن مۋنيسيپالدى پاتەرلەردىڭ سانىن ارتتىرۋ ءۇشىن تىرىسامىز. ءبىراق زاڭ بويىنشا مەنىڭ مۇمكىندىگىم شەكتەۋلى. ءبىز دەمەۋشىلەردى قىزىقتىرىپ جاتىرمىز. ال كۇماندى جايت تۋىنداماس ءۇشىن بۇل پاتەرلەردى ورتاق كەزەكپەن بەرەمىز"، - دەدى اكىم.