قازاقستان پرەزيدەنتى مىندەتىن اتقارۋشى قاسىم-جومارت توقايەۆ “روسسيا” تەلەارناسىنا بەرگەن سۇحباتىندا ءوزىنىڭ ەلدى باسقارۋ ستيلىمەن ءبولىستى دەپ جازادى Qamshy.kz اقپارات اگەنتتىگى.  
 
توقايەۆتىڭ ايتۋىنشا، ول ەلباسى باعىتىن نەگىزگە الادى.  
 
“نۇرسۇلتان ءابىش ۇلىنىڭ قايتالانباس ءستيلىن كوشىرۋ مەنىڭ ويىمدا جوق. ول - ءبىزدىڭ مەملەكەتىمىزدىڭ نەگىزىن قالاۋشى، باستاماشى رەتىندە ەۋرازيالىق ۇيىمنىڭ كوش باسىندا بولعان. سوندىقتان ەڭ باسىندا ايتقانىمداي، ونىڭ ەل باسقارۋ باعىتىن نەگىزگە الامىن. ەڭ الدىمەن، بىزگە تۇبەگەيلى كۇرت وزگەرىستىڭ  كەرەگى جوق، بىزگە كاتاكليزم كەرەك ەمەس”، - دەدى قاسىم-جومارت توقايەۆ.  

ول سونداي-اق، الىپ مەملەكەت كەڭەس وداعىنىڭ ىدىراۋى تۋرالى دا ايتتى. 

“باسشىلار كەلىپ: “ماعان دەيىن نە بولدى، ۇمىتىڭدار! بارلىعى ناشار. مەن جاڭا ساياسات باستايمىن”، - دەدى. بۇدان قانداي ناتيجە شىقتى؟ بۇل قوعامداعى ۇلكەن سىلكىنىستەردىەن كەيىن كەڭەس وداعى سەكىلدى الىپ مەملەكەتىڭ ىدىراۋىنا الىپ كەلدى. مەن ايقايشىل ادام ەمەسپىن... جينالىستاردى بايسالدى وتكىزەمىن. كۇردەلى ماسەلەلەر بويىنشا جيىن 40 مينۋتقا، ال جەڭىل ماسەلەلەر 10-15 مينۋتقا سوزىلادى. مەن قىتايلىقپىن... قىتايدى كوپ زەرتتەگەندىكتەن  سۇيىكتى ءسوزىم: “بارلىق جۇمساق بۇكىل قاتتىنى جەڭەدى”. بۇل اقيقات – تانىمال قىتايلىق فيلوسوف لاو سزىعا تيەسىلى”، - دەپ توقايەۆ ءسوزىن اياقتادى. 

اۋدارعان: يلدار اديلچەنوۆ