ۇمىتكەردىڭ پاراقشاسىنداعى جازبانى Qamshy.kz اقپارات اگەنتتىگى قاز-قالپىندا بەرۋدى ءجون ساناپ وتىر. كانديدات جازبا سوڭىندا قازاقستاندىقتاردى ايت مەرەكەسىمەن قۇتتىقتادى.
"ارينە، ورازانىڭ ورنى بولەك. ءبىراق وسى جولى بيلىك پرەزيدەنتتىك سايلاۋ ناۋقانىن ءدال رامازان ايىنا تاعايىنداپ، ءبارىن ساياسيلاندىرىپ جىبەردى.
ءاۋ باستا وسىنداي تاڭداۋى ءۇشىن بيلىكتى سىناعانىم دا راس.
ءبىراق، كەيىن قاراپ وتىرسام، بۇل شەشىمنىڭ وڭ تۇسى دا جوق ەمەس ەكەن. سەبەبى سول - ورازا كەزىندە ءدۇيىم قازاق اۋىزاشاردا جۇرەدى. ياعني، كۇندە نە قوناق شاقىرادى، نە قوناققا بارادى.
ءسويتىپ، ءاربىر اۋىزاشار ەلدەگى وسى كۇنگى ەڭ وزەكتى ماسەلە - سايلاۋدى تالقىلايتىن مينيميتينگكە ۇلاسىپ كەتتى!
كۇن سايىن كەشكى ساعات توعىزدان كەيىن مەنىڭ دە قۇلاعىم شۋلاي باستاتىنى سودان بولسا كەرەك...
مىنە، قاسيەتتى رامازان ايىنان سوڭ - ورازا ايت كەلدى. قابىل بولسىن! بارشامىزعا قۇتتى بولسىن!
يگى نيەتتىڭ ءبارى، سونىڭ ىشىندە قازاقستاندا بوستاندىق، شىندىق، ادىلەتتىك سالتانات قۇراتىن جاڭا قوعام، جاڭا بيلىك قۇرۋ تۋرالى تىلەكتەر قابىل بولسىن، اعايىن!"
پىكىر قالدىرۋ