بەلگىلى تەلەجۇرگىزۋشى ساۋلە ابەدينوۆانىڭ ۇستىنەن "الاياقتىق" بابى بويىنشا، قىلمىستىق ءىس قوزعالدى دەپ حابارلايدى Qamshy.kz اقپارات اگەنتتىگى Yvision.kz سايتى سىلتەمە جاساپ.

باسىلىمنىڭ جازۋى بويىنشا، ابەدينوۆا انالارعا تەزىرەك ءۇي الىپ بەرۋى ءۇشىن كوپبالالى انالاردان ەكى ميلليون تەڭگەگە دەيىن اقشا العان. الدانىپ قالعانىن تۇسىنگەن انالار تەلەجۇرگىزۋشىنىڭ ۇستىنەن شاعىمدانىپ، پوليسياعا ارىز جازعان.

قۇقىق قورعاۋ ورگاندارىنىڭ ينسايدەرلىك اقپاراتىنا سايكەس، قىلمىستىق ىستەر ءقازىر تىركەلۋدە. سونىمەن قاتار، ارىز-شاعىمدار ءالى دە تۇسۋدە.

ال بلوگەر قۇرال سەيتحان ۇلىنىڭ ايتۋى بويىنشا، ساۋلەنىڭ ۇستىنەن بىرنەشە ايەل شاعىمدانعان. ازىرگە بۇل ايەلدەردىڭ بىرەۋىنىڭ عانا ەسىمى بەلگىلى بولدى.

ساتقىنبەكوۆا ۇلجالعاس دەگەن ايەل "2019-جىلدىڭ 31-مامىر كۇنى تەميريازوۆ پەن جوروكوۆ كوشەلەرىنىڭ قيىلىسىندا ورنالاسقان تۇرعىن ءۇي باسقارماسى ماڭىندا ساۋلە مەنى ميتينگكە شىعۋعا ۇگىتتەدى. ەگەر ميتينگكە شىقساڭ ساعان ءۇي ماسەلەسىن شەشىپ بەرەمىن دەپ ايتتى" دەپ شاعىم بەرگەن.

"ونداي ايەل جايىندا ساۋلە دە، مەن دە ەشتەڭە بىلمەيمىز. ەندى نە ىستەيمىز؟ قازاقتىڭ ءاقجۇنىسى ساۋلەنى قالاي قۇتقارامىز دوستار؟"، - دەپ اشىندى قۇرال سەيتحان ۇلى.

ال "ءاقجۇنىس انالار" چاتىندا ميتينگ تۋرالى دا، قارجى تۋرالى دا ايتىلماعانىن كوپبالالى انالار جارىسا جازۋدا.

"ءاقجۇنىس انالار چاتىن دا ءبىز دە بارمىز، ميتينگ تۋرالى ايتقان ەمەس"، "ساۋلە ەشقاشان ميتينگكە شاقىرعان ەمەس جانە زاڭننىڭ شەڭبەرىنەن اسپاۋدى بارىمىزگە ايتىپ وتىردى"، - دەپ جازدى جەلى وقىرماندارى.